In English:
Situation report on military activity on the territory of Belarus for April 8 by Hajun Project
На русском языке:
Оперативная сводка от Гаюна за 8 апреля о военной активности на территории Беларуси
Беларускі Гаюн апублікаваў аператыўную зводку аб ваеннай актыўнасці на тэрыторыі Беларусі на 22:00 8 красавіка.
Працягваецца перамяшчэнне калон УС РФ па тэрыторыі Беларусі (1, 2, 3, 4). Калоны складаюцца пераважна з грузавікоў Урал і КАМАЗ. Таксама сустракаюцца бензазапраўшчыкі, тралы, краны, бронеаўтамабілі і пазадарожнікі розных мадыфікацый.
Можна вылучыць наступныя маршруты руху калон:
- траса М10-Добруш,
- Рэчыца-Гомель,
- Гомель-РФ,
- Гомель-Мінск,
- Мазыр-Ельск,
- Бабруйск-Асіповічы-Мінск,
- траса М4-Мінск,
- Баранавічы-Нясвіж,
- Мазыр-Гомель,
- Калінкавічы-Мазыр.
Асобную тэхніку заўважалі ў гарадах Пінск, Хойнікі, Гомель, а таксама ў Мінскім раёне. Такім чынам, перамяшчэнні ваеннай тэхнікі захоўваюцца пераважна ў паўднёваўсходніх раёнах Гомельскай вобласці.
Адзначалася лётная актыўнасць на ваенных аэрадромах Беларусі. Так, у Баранавічах былі зафіксаваныя 4 навучальныя вылеты (ВПС РБ). У Мачулішчах быў зафіксаваны вылет 2 верталётаў, прылёт 2 верталётаў, пасажырскага Ту-154 і транспартных самалётаў (двух Ан-12 і чатырох Іл-76). Паведамлялася, што ў аэрапорце «Гомель» на стаянцы знаходзіліся 3 транспартныя Іл-76, пасажырскія Ан-148 і Ту-154.
Фіксавалася інтэнсіўнае перамяшчэнне тэхнікі УС РФ чыгуначным транспартам. Так, на чыгуначнай станцыі Гомель-Паўночны заўважаны эшалон, які рухаецца ў бок Калінкавіч. На платформах знаходзіліся 15 БМП-2, 5152 мм САУ 2С3 «Акацыя», 20 грузавых КамАЗаў і Уралаў, эшалон таксама складаўся з 3 пасажырскіх і 10 грузавых вагонаў. На чыгуначнай станцыі Гомель-Няцотны быў заўважаны эшалон з пустымі платформамі, які вылучыўся ў напрамку Калінкавічаў. З Гомеля ў Бабруйск рухаўся састаў з ваеннай тэхнікай. Таксама ў Гомель з боку Калінкавічаў заехаў эшалон з танкамі на платформах. Да чыгуначнай станцыі Гомель-Пасажырскі рухаўся эшалон з ваеннай тэхнікай.
На чыгуначнай станцыі Орша на запасным шляху быў заўважаны эшалон з ваеннай тэхнікай, які далей рушыў у напрамку Магілёва. На чыгуначнай станцыі Рэчыца быў заўважаны састаў, загружаны ваеннай тэхнікай. Пазней была заўважана новая тэхніка для загрузкі (КАМАЗы, Уралы, МТУ-72, БМП-2, БМД-2). На чыгуначнай станцыі Хойнікі працягваецца пагрузка тэхнікі УС РФ. У раёне чыгуначнай станцыі Ельск адзначалася навала ваеннай тэхнікі. Пазней пачалася яе пагрузка.
На чыгуначнай станцыі Козенкі (Мазырскі раён) знаходзіўся загружаны эшалон з ваеннай тэхнікай, гатовы да адпраўлення. У раёне чыгуначнай станцыі Калодзішчы (тупіковы пуць) заўважана ваенная актыўнасць. Таксама вялікая колькасць тэхнікі адзначалася і каля чыгуначнай станцыі Зябраўка (Гомельскі раён). На чыгуначную станцыю Калінкавічы з поўдня прыбыў эшалон. На платформе былі заўважаныя КАМАЗы, Уралы, БМП-2, 152 мм САУ 2С3 «Акацыя», агнямёты ТГС-1А «Сонцапёк». На чыгуначнай станцыі Асіповічы таксама адзначаецца вялікая колькасць тэхнікі для пагрузкі на чыгуначныя платформы.
Адзначаўся сама меней 1 запуск ракеты з тэрыторыі Беларусі — у Гомельскім раёне.
Беларускі Гаюн апублікаваў інфармацыю аб аўтамабілях, якія вайскоўцы УС РФ сагналі ў грамадзян Украіны. Аўтамабілі былі заўважаныя на тэрыторыі Беларусі. У выніку агалоскі, якую атрымала інфармацыя, быў знойдзены ўладальнік аднаго з сагнаных аўтамабіляў. Па словах уладальніка, аўтамабіль скралі з Кіеўскай вобласці 29 сакавіка.
У Мазырскім раёне, недалёка ад перасячэння аўтадарог Р-31 і Р-37, знойдзена вялікая колькасць ваенных РФ. Верагодней за ўсё, разгорнуты вузел сувязі для падраздзяленняў СПА. Таксама недалёка ад Рэчыцы, на тэрыторыі вайсковай часці было заўважана 20-30 аўтамабіляў КрАЗ з пантонамі.
Стала вядома, што служба дастаўкі СДЭК больш не будзе прымаць пасылкі без касавых чэкаў, які б пацвярджаў набыццё гэтага тавара. Менавіта праз кампанію СДЭК вайскоўцы УС РФ адпраўлялі крадзеныя рэчы дадому, у Расію.
Адзначаліся нязначныя перамяшчэнні тэхнікі УС РБ. Так, на МКАД было заўважана перамяшчэнне не менш як 2-х адзінак ЗРК «Тор-М2» УС РБ. У Слоніме была заўважана калона БТР-82А. Гэтыя перамяшчэнні звязаныя з планавымі вучэннямі.
Калі вам вядомая дадатковая інфармацыя аб перамяшчэнні ваеннай тэхнікі на тэрыторыі Беларусі, звяжыцеся з намі ў @HajunBYbot або праз форму для зваротнай сувязі ніжэй
