Пра гэта паведаміў кіраўнік Беларускага дома ў Варшаве Алесь Зарэмбюк. Паводле яго інфармацыі, Малахоўскі знаходзіўся ў Польшчы з лістапада 2020 года па гуманітарнай візе і ўчора быў затрыманы ў кватэры ў горадзе Пясечна. Пазней высветлілася, што беларус патрапіў у спісы Інтэрпола.
«Такія дзеянні супраць рэпрэсаваных беларусаў непрымальныя», — напісаў Зарэмбюк.
«Наша Нiва» павеламляе, што на Малахоўскага ў Беларусі заведзена крымінальная справа за нібыта наезд на супрацоўніка ДПС 13 жніўня 2020 года. У дзень затрымання да Макара Малахоўскага ў аддзяленне паліцыі дапусцілі адваката.
«Цэнтр беларускай салідарнасці» звярнуўся па дапамогу амбудсмена па правах чалавека з мэтай арганізацыі прававой інтэрвенцыі.
Міністр унутраных спраў Польшчы Марыюш Каміньскі ў сваім Twitter напісаў, што беларускія ўлады выкарысталі Інтэрпол у барацьбе з палітычным апанентам.
«Ужо ў ліпені я звярнуўся да ўладаў Інтэрпол, паказваючы на неабходнасць змен у гэтых адносінах», — дадаў Каміньскі.
Улады Беларусі не ўпершыню звяртаюцца да суседніх дзяржаў з патрабаваннем выдаць апанентаў рэжыму. Так, у ліпені Расія выдала беларускім уладам байца Аляксея Кудзіна, нягледзячы на забарону экстрадыцыі, які наклаў Еўрапейскі суд па правах чалавека.
