На русском языке:
Тело Алеся Пушкина отдали его родственникам
Сёння яго прывязуць у мястэчка Бобр, дзе ён жыў. Пра гэта паведаміла «Радыё Свабода» са спасылкай на свае крыніцы. Цела Алеся Пушкіна плануюць прывезці ў Бобр сёння каля 21-й гадзіны.
Развітанне ў Бабры пачнецца заўтра а 10-й раніцы ў двары па вул. Горная, 4. Паніхіда — у 12:30. Пахаванне плануецца ў 13:30.
«Наша Ніва» расказвае, што адной з галоўных спраў жыцця Алесь называў роспіс царквы ў родным мястэчку Бобр. Гэты славуты сюжэт, дзе сярод грэшнікаў на страшным судзе быў адлюстраваны чалавек, падобны да дыктатара, таксама там былі намаляваныя амапаўцы і людзі, падобныя да высокіх праваслаўных іерархаў. Іншыя прама называюць у гэтых людзях Лукашэнку і мітрапаліта Філарэта.
Тую працу Алеся давялося замаляваць, але ўсё адно царква была распісаная ім. Па нядзелях Пушкін быў званаром у царкве. У 2011 годзе царква ў Бабры таямніча згарэла цалкам, давялося аднаўляць з нуля.
