На русском языке:
Дарью Лосик приговорили к 2 годам колонии
Так званы суд у Брэсце вынес прысуд Дарʼі Лосік, якую абвінавачвалі ў «садзейнічанні экстрэмісцкай дзейнасці» за інтэрвʼю «Белсату» пра яе мужа. Прыгавор супаў з запытанымі пракурорам 2 гадамі зняволення ў калоніі агульнага рэжыму. Прыгавор вынес суддзя Мікалай Грыгаровіч.
Дарʼя Лосік – жонка палітычнага зняволенага блогера Ігара Лосіка. У сямʼі расце маленькая дачка Паўліна. Дарʼя была затрыманая 18 кастрычніка 2022 года пасля ператрусу ў кватэры. Да гэтага ў сямʼі Лосікаў апісалі практычна ўсю маёмасць.
Супраць яе распачалі крымінальную справу за нібыта садзейнічанне экстрэмісцкай дзейнасці (ч. 1 арт. 361-4 КК) – за каментар у красавіку 2022 года «Белсату», прызнанаму рэжымам экстрэмісцкім фармаваннем.
Таксама абвінавачанне паведамляе, што Дарʼя Лосік у інтэрвʼю «пазіцыянавала сябе як жонку палітвязня. Яна дала асабістую негатыўную адзнаку дзяржаўным органам, да кампетэнцыі якіх аднесена ажыццяўленне крымінальнага пераследу і адпраўленне правасуддзя. Пры гэтым паведаміла, што яе муж не здзяйсняў крымінальных дзеянняў і асуджаны незаконна. Заклікала сваякоў іншых асуджаных рушыць услед яе прыкладу». Што, у цэлым, зʼяўляецца праўдай, гэта значыць, крымінальным дзеяннем па версіі «судоў» рэжыму.
