Для атрымання планавай меддапамогі трэба будзе здаць ПЛР-тэст

Фота: Mufid Majnun / Unsplash.com
1 хв.

На русском языке: Для получения плановой медпомощи нужно будет сдать ПЦР

Пра гэта заявіў памочнік Лукашэнкі Аляксандр Касінец. Паводле яго слоў, для аказання планавай медыцынскай дапамогі насельніцтву будуць задзейнічаны абласныя бальніцы і рэспубліканскія навукова-практычныя цэнтры.

«Дапамога ў галіне анкалогіі, кардыялогіі, траўматалогіі, неўралогіі і нейрахірургіі, педыятрыі, акушэрства і гінекалогіі, планавая стаматалогія – гэта будзе аказвацца ў поўным аб'ёме», – сказаў ён.

Акрамя таго, паводле яго слоў, у Гродзенскай і Мінскай абласцях аказанне планавай меддапамогі і не прыпынялася.

Два дні таму, пасля нарады аб эпідэміялагічнай сітуацыі ў краіне, Лукашэнка адмяніў шэраг рашэнняў Міністэрства аховы здароўя і ўрада, прынятых у сувязі з ростам захворвання COVID-19. У прыватнасці, гаворка ішла аб адмене планавай медыцынскай дапамогі.

Эпідэміялагічная сітуацыя ў Беларусі ў апошні месяц моцна пагоршылася. Сярод тых, хто захварэў, як ніколі шмат цяжкіх пацыентаў, рэанімацыі перапоўненыя. Медыкі называюць 4-ю хвалю самай цяжкай. За апошнія суткі ў Беларусі выяўлена 2 097 выпадкаў COVID-19, 17 пацыентаў памерлі. Колькасць актыўных выпадкаў за суткі знізілася на 235 чалавек, але за месяц вырасла з 10 335 да 23 148 пацыентаў. Рост складае 123%.

Папярэдні матэрыял
У Славакіі затрымалі і адпусцілі беларускага блогера
Наступны матэрыял
У Літве затрымалі кантрабанду беларускіх цыгарэт пад выглядам бульбянога пюрэ

Iншыя матэрыялы