На русском языке:
Эстония разрешила продлевать ВНЖ некоторым врачам, студентам и учёным из Беларуси и РФ
Урад Эстоніі дазволіў беларускім студэнтам, лекарам і навукоўцам, якія прыбылі ў Эстонію да пачатку поўнамаштабнай агрэсіі Пуціна супраць Украіны, хадайнічаць аб новым ВНЖ, перадае ERR.EE.
Паведамляецца, што будзе зроблена вузканакіраванае выключэнне для тых, хто знаходзіцца ў Эстоніі на законных падставах студэнтаў, лекараў, стаматолагаў і акадэмічных работнікаў з Беларусі і РФ, якім будзе прадстаўлена магчымасць атрымаць від на жыхарства для больш працяглага знаходжання ў Эстоніі.
Па дадзеных ERR, гэта тычыцца тых людзей, якія прыехалі ў Эстонію вучыцца ці працаваць да пачатку вайны, здалі ўсе неабходныя іспыты па эстонскай мове або прайшлі эстонамоўную навучальную праграму і валодаюць эстонскай мовай як мінімум на ўзроўні B2. У той жа час на акадэмічных работнікаў патрабаванне валодаць мовай не распаўсюджваецца.
Напрыклад, пад гэтае выключэнне патрапяць 78 студэнтаў з Беларусі і РФ, якія завяршаюць навучанне па эстонамоўнай праграме. Акрамя таго, паводле звестак Дэпартамента здароўя Эстоніі, у 2022–2023 гг. у краіне былі зарэгістраваны 6 урачоў і 3 стаматолага з Беларусі.
