Еўрапейскія кампаніі падазраюцца ў пастаўках зброі ў Беларусь

2 хв.

На русском языке: Европейские компании подозреваются в поставках оружия в Беларусь

Выданне EUobserver апублікавала расследаванне у якім гаворыцца, што чэшская, славацкая і венгерская кампаніі падазраюцца ў незаконных пастаўках зброі ў Беларусь і РФ праз Малдову ў абыход зброевага эмбарга ЕС.

У расследаванні фігуруюць фірмы: Česká zbrojovka (Чэхія), De Fango (Венгрыя), XXeurope (Славакія) і іншыя.

Паведамляецца, што ў мінулым годзе венгерская De Fango і славацкая XXeurope спрабавалі паставіць у Беларусь праз Малдову сотні тысяч патронаў з боепрыпасамі. Што з’яўляецца прамым парушэннем эмбарга ЕС на пастаўкі зброі ў Беларусь, якое дзейнічае з 2011 года.

У меркаванай схеме абыходу санкцый таксама фігуруе малдаўская зброевая фірма Cartuş, расійская кампанія Alliance і беларуская кампанія Outdoor Team.

МЗС Малдовы пацвердзіла EUobserver, што такія выпадкі сапраўды былі, заявіўшы: «[Малдаўскі] ўрад спыніў спробу экспарту грамадзянскіх боепрыпасаў у Беларусь. […] Боепрыпасы былі імпартаваныя з Венгрыі, але першапачаткова вырабляліся ў Фінляндыі і Швейцарыі».

Выданне зрабіла запыт на атрыманне каментарыяў ва ўсе фірмы, якія могуць удзельнічаць у схеме абыходу санкцый — большасць з іх заявіла, што не пастаўляюць зброю ў Беларусь і РФ, астатнія — проста не адказалі.

Журналісты адзначаюць, што інфармацыя аб выкарыстанні еўрапейскай зброі і боепрыпасаў сілавікамі ў Беларусі з’яўлялася і раней, у прыватнасці ў мінулым годзе высветлілася, што мірных дэманстрантаў у Мінску закідвалі светлашумавыя гранатамі менавіта чэшскай вытворчасці.

Папярэдні матэрыял
У Аўстрыі на змену праціўніку санкцый да ўлады прыйшоў іх заўзяты прыхільнік
Наступны матэрыял
Ад 800 да 1938 рублёў. Столькі ў сярэднім атрымліваюць у рэгіёнах

Iншыя матэрыялы