In English:
Anatoly Savenok, the general director of the MPZ, is removed from office
На русском языке:
Гендиректор МПЗ Анатолий Савенок снят с должности
19 снежня тэлеграм-канал «Паглядзі, брахня?» апублікаваў непацверджаную інфармацыю пра звальненне гендырэктара Мінскага падшыпнікавага завода (МПЗ) Анатоля Савянка.
Рэдакцыі motolko.help стала вядома, што Анатоль Савянок пераведзены на новае месца працы — цяпер ён узначаліць стратнае прадпрыемства ААТ «СтанкаГомель». Афіцыйна інфармацыя пра тле, што Савянок больш не гендырэктар МПЗ, яшчэ нідзе не апублікаваная, на сайце ў раздзеле «кіраўніцтва прадпрыемства» ён усё гэтак жа пазначаны як гендырэктар. Таксама невядома, хто будзе назначаны яму на замену.
Анатоль Савянок
Крыніцы паведамляюць, што інфармацыя пра тое, што Савянка здымаюць з пасады з’явілася на мінулым тыдні: «Савянка акуратна папрасілі сысці. Некалькі гадоў таму, калі яго здымалі з БМЗ, то кажуць, што прыйшлі з „тэчкамі“ і далі выбар: ці турма, ці падымаць убогі МПЗ».
Цяпер Анатоль Мікалаевіч Савянок з’явіўся на пасадзе дырэктара на сайце прадпрыемства ААТ «СтанкаГомель», якое таксама з’яўляецца стратным. Паводле інфармацыі, гомельскага выдання Флагшток, былы станкабудаўнічы завод імя С. М. Кірава ўжо быў заўважаны ў продажы маёмасці, каб кампенсаваць страты ад бягучай дзейнасці прадпрыемства.
