На русском языке:
Гомельская таможня изъяла 10 медалей времен Российской Империи
Гомельскія мытнікі ў пункце пропуску «Новая Гута» канфіскавалі 10 медалёў, прызнаных культурнымі каштоўнасцямі. Яны зроблены ў гонар розных падзей у гісторыі Расійскай імперыі з 1708 па 1912 год.
Паведамляецца, што каштоўнасці знайшлі паміж абшыўкай кузава і сядзеннямі аўтобуса, якім кіраваў беларус. Па словах мытні, іх агульны кошт складае больш за 5,5 тысячы беларускіх рублёў. 8 знойдзеных медалёў выраблены з медзі, адзін — з чыгуну і адзін — са срэбра.
Мяркуючы па фота, самай старой знаходкай з’яўляецца срэбны медаль «За перамогу пры Лясной» (1708 г.) «За Левенг. баталію». Бронзавая версія такога медаля прадаецца на аўкцыёне за $68. Цяпер медалі перададзены ў гісторыка-культурную ўстанову «Гомельскі Палацава-паркавы ансамбль».
