На русском языке:
Грузинский Bank of Georgia начал массово закрывать счета беларусам без объяснений причин?
Шэраг тэлеграм-каналаў, сярод якіх @bankrollo, паведамляюць, што Bank of Georgia пачаў закрываць рахункі грамадзянам Беларусі і РФ.
Паведамляецца, што закрываюць рахункі тым, хто адкрыў іх ад 3 месяцаў да 4-х гадоў таму. Аб закрыцці рахункаў людзей апавяшчаюць праз СМС, пры гэтым ніякіх афіцыйных апавяшчэнняў на сайце грузінскага банка на дадзены момант няма.
Згодна з СМС, на вывад сродкаў даецца ад 2-х да 5 дзён. Акрамя гэтага, асобныя паведамленні прыходзяць аб закрыцці рахункаў і ў другім найбуйнейшым банку Грузіі – TBC.
Адной з прычын блакіроўкі рахункаў могуць быць аперацыі з крыптавалютай. У той жа час адзначым, што канкрэтныя кейсы закрыцця рахункаў беларусам у гэтым банку ў апошнія дні нам невядомыя. Калі вы з такім сутыкнуліся, то напішыце нам у @motolko_bot.
UPD. Тэлеграм-канал Tbilisi life апублікаваў каментар менеджара Bank of Georgia. Блакіроўкі закрануць тых, хто пераводзіў сабе на рахунак сюды або выводзіў з рахунку сродкі ў крыптавалюце. Пападаюць пад блакіроўкі усе, незалежна ад грамадзянства. Расіяне знаходзяцца ў топе такіх пераводаў.
