In English:
Lukashenka’s wallet transferred his plane under the management of a Latvian company
На русском языке:
«Кошелёк» Лукашенко перевёл свой самолёт под управление латвийской компании
Месяц таму мы пісалі, што эстонскі алігарх Аляксей Чулец змяніў рэгістрацыйны нумар і краіну рэгістрацыі свайго бізнэс-джэта Gulfstream G450 (OE-ITE → YL-ATE) з Аўстрыі на Латвію.
Учора з Рыгі ў паветра падняўся і самалёт яго беларускага партнёра Мікалая Варабʼя. Embraer Legacy 650 (былы. рэг. OE-ITA) таксама змяніў краіну прапіскі і кіруючую кампанію. Можаце паспрабаваць адгадаць на якую. Embraer Варабʼя прыляцеў у сталіцу Латвіі 1 снежня і праз некалькі дзён рэгістрацыйны запіс аб ім знік з аўстрыйскага авіяцыйнага рэгістра.
Авіяцыйны рэгістр Аўстрыі. OE-ITА адсутнічае па стане на снежань 2023 года. / austrocontrol.at
І вось праз крыху больш за два тыдні бізнес-джэт з новым латвійскім нумарам OE-ITA → YL-ONR адправіўся ў шлях пад кіраваннем латвійскай кампаніі Union Aviation AS. Яго маршрут ляжыць з Рыгі праз Жэневу ў «родны» Дубай.
Embraer Legacy 650 з серыйным нумарам 14501133 пад кіраваннем Union Aviation AS / fr24.com
Судзячы па тым, што борт Чульца не змяніў сваім палётным звычкам пасля змены рэгістрацыі і актыўна лётае знаёмымі маршрутамі, змена нумара насіла толькі тэхнічны характар. Верагодна, фактычныя ўладальнікі засталіся тымі ж.
Embraer Legacy 650 з серыйным нумарам 14501133 пад кіраваннем Avcon Jet. / JetPhotos.com
Пры гэтым неўзабаве пасля нашай публікацыі інфармацыю аб далейшых палётах самалёта YL-ATE па запыце ўладальніка скрылі з публічных сэрвісаў па адсочванні. Застаўся бачным толькі першы палёт.
Гісторыя змены рэгістрацыйных нумароў Embraer Legacy 650 з серыйным нумарам 14501133 / planespotters.net
Нешта нам падказвае, што такі ж лёс чакае і Embraer YL-ONR Верабʼя.
Нагадаем, раней гэтымі самалётамі па чарзе карысталіся і сам Мікалай Варабей, і Аляксей Чулец, і нават збеглы ўкраінскі бізнесмен Тарас Козак з сямʼёй (пры чым сямʼя часта прылятала ва Украіну без яго, калі Козак, будучы сябрам Віктара Медведчука, ужо знаходзіўся пад следствам).
