In English:
Latushka claims about redeployment of Russian troops and mobilization of 100,000 people in Belarus. Hajun’s commentary: there are no convincing facts and confirmations
На русском языке:
Латушко заявил про переброску войск РФ и мобилизацию 100 тыс. человек в Беларуси. Комментарий «Гаюна»: убедительных фактов и подтверждений этому нет
Заява П. Латушкі
Кіраўнік Народнага антыкрызіснага ўпраўлення Павел Латушка напісаў у Twitter са спасылкай на свае крыніцы, што Лукашэнка пагадзіўся размясціць 120 тысяч салдат ВС РФ на працягу лістапада-лютага, а таксама абавязваецца дадаткова мабілізаваць у Беларусі 100 тысяч ваеннаабавязаных.
Якіх-небудзь доказаў распаўсюджванню Павел Латушка не апублічваў. Як і ў выпадку з паведамленнем ГУР МА Украіны аб размяшчэнні 20 тысяч салдат ВС РБ у Беларусі, мы не можам пацвердзіць заяву П. Латушкі.
На сённяшні дзень няма пераканаўчых фактаў, якія б сведчылі аб перакідванні войскаў ВС РФ у Беларусь. Таксама на сённяшні дзень выклікае сумневы інфармацыя аб патэнцыйным правядзенні мабілізацыі ў Беларусі. Падраздзяленні ВС РБ у баявых дзеяннях ва Украіне ўдзелу не прымаюць. Прасцей кажучы, маючы якое-ніякае войска, не патрапанае ў баях, і якое можна задзейнічаць – для чаго Лукашэнку неабходна праводзіць мабілізацыю?
Хацелася б звярнуць увагу, што безадказныя і бяздоказныя заявы палітыкаў па адчувальных і грамадска-значных тэмах не дапамагаюць агульнай справе – барацьбе з рэжымам Лукашэнкі і расійскай агрэсіяй. Каб не дыскрэдытаваць сябе, аўтару падобных заяў (разам з публікацыяй «эксклюзіўнай» інфармацыі) варта таксама падаваць дадзеныя, якія пацвярджаюць рэчаіснасць інфармацыі. У адваротным выпадку сістэматычнае ўвядзенне ў зман грамадскасці і замежных партнёраў прывядзе да вынікаў, апісаных у байцы «Хлопчык і ваўкі».
Мы працягваем сачыць за ўсёй ваеннай актыўнасцю ў Беларусі і аператыўна інфармаваць аб усіх зменах на нашым канале. Калі вы заўважаеце нешта незвычайнае – просім паведамляць у @HajunBYbot.
