На русском языке:
Лукашенко показали «полностью отечественный» комплекс «Миротворец» с китайским двигателем с AliExpress
Нібыта «цалкам айчынны» комплекс «Міратворац» з кітайскім рухавіком з AliExpress.
Сёння пры наведванні палігона «Абуз-Лясноўскі» старшыня Дзяржваенпрама РБ Дзмітрый Пантус паказваў Лукашэнку розныя распрацоўкі прыватнага Канструктарскага Бюро «Беспілотныя верталёты».
Асабліва Лукашэнку цікавіла: ці змогуць гэтыя машыны ваяваць, калі, як ён выказаўся, «заўтра на фронт»? Не ведаем, што яму нагаварылі, але большасць з паказаных сёння апаратаў існуюць толькі ў адзінкавых экзэмплярах і не стаяць на ўзбраенні ВС РБ.
Напрыклад, паказалі нібыта беспілотны авіяцыйны комплекс «Міратворац», які, як сцвярджае пралукашэнкаўскі канал «Пул Першага», «цалкам нашай распрацоўкі і вытворчасці».
Кітайскі рэактыўны рухавік Swiwin SW300B, які прадаецца на AliExpress
На фота нам дэманструюць чыноўнікаў з важнымі тварамі, якія глядзяць на буйны аранжавы апарат, а надпіс на рускай «не брацца», верагодна, павінен надаць больш упэўненасці ў новым, выключна беларускім, эксклюзіве.
Дык дзе ж падвох? Лукашэнка адразу сказаў Пантусу: «Не дай Бог мне даложаць, што ты тут паказухай займаўся — гэта бяда».
Глядзім уважліва на турбінны рухавік і бачым, што гэта кітайскі бесшчотачны турбінны рухавік Swiwin SW300B, які прадаецца на AliExpress за $5846. Адтуліны вентыляцыі, балты мацавання, ды і сама форма — супадаюць.
Больш за тое, прэс-служба Лукашэнкі ўвогуле не разумее пра што піша і на фота паказвае не «Міратворац», а рабатызаваную паветраную мішэнь «Беркут-БМ» вытворчасці таго ж КБ.
Адтуліны вентыляцыі, балты мацавання, ды і сама форма супадаюць з нібы айчынным рухавіком.
▪️ Што яшчэ яму паказалі?
Прадэманстраваны і беспілотны ўдарны верталёт Hunter, афіцыйна прадстаўлены летась на выставе «MILEX – 2021», які ўсё яшчэ праходзіць выпрабаванні ў распрацоўшчыка і часам сустракаецца на дарогах Беларусі. Аб баявым ужыванні гэтага апарата ў найбліжэйшыя месяцы не можа ісці гаворкі.
Дзеля справядлівасці адзначым, што не ўсе з паказаных узораў далёкія ад баявога прымянення. Сярод іх ёсць і тыя, што стаяць на ўзбраенні: «Суперкам 350», «Бусел» і «Буравеснік».
