На русском языке:
Уничтожен еще один мурал Мити Писляка в Минске
У Мінску на вул. Чырвонаармейскай зафарбаваны мурал Міці Післяка Dama con l’ermellino («Дама з гарнастаем»). Гэта была апошняя праца мастака перад эміграцыяй у Амерыку, паведамляе выданне Citydog.
«Гэта было маё развітальнае паведамленне гораду з сімваламі тых, хто пакідаў Мінск разам са мной», – сказаў Післяк.
Па словах мастака, гэтая праца была зроблена без узгаднення з адміністрацыяй раёна, і, як ён сам адзначае, яму вельмі прыемна, што за амаль чатыры гады існавання ў Мінску камунальнікі яе не чапалі.
На пытанне, як Міця рэагуе на тое, што мурал усё ж такі затынкавалі, мастак адказвае, што вялікіх перажыванняў з гэтай нагоды няма.
— Калі знаходзішся ў іншай краіне, складана блізка ўспрымаць тое, што адбываецца ў іншай частцы планеты. Імкнуся думаць аб тым моманце, калі змагу вярнуцца ў Мінск і зрабіць што-небудзь яшчэ.
У мінулым годзе ў Мінску зафарбавалі мурал Still Life (вул. Чыгуначная, 31/1), які мастак стварыў яшчэ ў 2017 годзе падчас фестывалю Vulica Brazil.
