In English:
Migrants at Belarus-Poland border. Day 9. Online
На русском языке:
Мигранты на беларусско-польской границе. День 9. Онлайн
Рэдакцыя motolko.help працягвае сачыць за сітуацыяй на беларуска-польскай мяжы, дзе дзявяты дзень знаходзяцца мігранты. Учора беларускія сілавікі прапусцілі мігрантаў на памежны пераход Брузгі, дзе яны і правялі ноч. Анлайн вядзецца ў храналагічным парадку: самыя свежыя навіны будуць унізе старонкі.
10:37 — Некаторыя мігранты рыхтуюцца да вяртання ў Ірак. 18 лістапада ўлады Ірака арганізуюць эвакуацыйны рэйс з Беларусі.
12:01 — Мігранты на мяжы пачалі кідаць камяні і бутэлькі ў польскіх сілавікоў. Ламаюць плот. Палякі ужываюць газ.
12:20 — На мяжы чуваць выразныя гукі стрэлаў
Паводле паведамленняў беларускіх прапагандыстаў, польскае войска пусціла ў ход светлашумавыя гранаты. Палякі ж сцвярджаюць, што беларускія сілавікі ўзброілі мігрантаў светлашумавымі гранатамі, і мігранты кідалі іх у бок польскіх памежнікаў.
Migranci zostali wyposażeni przez białoruskie służby w granaty hukowe i obrzucili polskich żołnierzy i funkcjonariuszy pic.twitter.com/BwAQaK5TKL
— Ministerstwo Obrony Narodowej 🇵🇱 (@MON_GOV_PL) November 16, 2021
Уздоўж загароды курсіруе верталёт.
Палякі ўжываюць вадамёт. Пры гэтым асобныя мігранты не перастаюць кідаць камяні ў польскую армію. Так сітуацыя выглядае з дрона.
А так – з боку Польшчы.
Kuźnica: agresywni migranci wciąż rzucają kamieniami w stronę naszych żołnierzy i funkcjonariuszy. Polskie służby odpierają atak pic.twitter.com/ESHN155vkf
— Ministerstwo Obrony Narodowej 🇵🇱 (@MON_GOV_PL) November 16, 2021
11:33 — Амаль усе мігранты сышлі з пагранпераходу «Брузгі», дзе яны правялі ноч.
12:47 — Мігранты кідаюць бярвенне ў польскіх сілавікоў.
13:27 — Мігранты стоўпіліся перад пагранпераходам Брузгі. З боку Беларусі іх «падпірае» замежатрад, які не дазваляе пракрасціся ўглыб краіны. Пагранпераход застаецца адкрытым з беларускага боку. З боку Польшчы стаіць загарода і кардон, паліваюць вадамёты. Нягледзячы на гэта, некаторыя мігранты вырашаюцца падабрацца бліжэй да польскай мяжы.
12:39 — Відэа сутыкнення мігрантаў з польскімі пагранічнікамі ў пагранпераходзе Брузгі.
14:02 — Адна з польскіх афіцэраў параненая
Польская пагранслужба паведаміла, што камень, кінуты мігрантамі, трапіў у галаву жанчыне-афіцэру. Верагодна, зламаная костка чэрапа.
Так выглядае пагранпераход пасля сутыкнення.
14:15 — Мінабароны Польшчы заявіла, што сённяшняя атака праводзіцца пад строгім кантролем беларускіх сілавікоў. На відэа бачна, як адзін з іх стаіць каля мігрантаў, якія кідаюць камяні ў бок Польшчы.
Dzisiejszy atak przebiega pod ścisłą kontrolą funkcjonariuszy białoruskich służb.
—#Kuźnica #granica @Straz_Graniczna @PolskaPolicja pic.twitter.com/JnKFW0pATn— Ministerstwo Obrony Narodowej 🇵🇱 (@MON_GOV_PL) November 16, 2021
15:00 — Мігранты пакідаюць пункт пропуску Брузгі і вяртаюцца ў намётавы лагер.
