На русском языке:
Мужчина, снимавший День Воли в Вильнюсе — не «тихарь», а литовский журналист
Літоўскае выданне 15min.lt паведаміла, што мужчына, які 25 сакавіка здымаў на відэакамеру акцыю беларусаў на Дзень Волі – гэта не «ціхар» і не былы супрацоўнік МУС РБ Андрэй Трапашка, як пра гэта заяўляў BYPOL.
Дарус Матайціс (Darius Mataitis)
Журналісты паведамілі, што мужчына на фота – гэта літоўскі журналіст Дарус Матайціс (Darius Mataitis).
Па ягоных словах, у той дзень ён здымаў публічнае мерапрыемства. Журналіст зазначыў, што ў яго ніхто не прасіў паказаць акрэдытацыю і ён быў непрыемна здзіўлены скандалам. А таксама адзначыў, што пасля пастоў у сацсетках яму пайшла хваля пагроз.
Дарус Матайціс (Darius Mataitis) крайні злева
«Я не першы раз фіксую падзеі беларускай апазіцыі ў Літве. У фотабанку Scanpix нямала іх фатаграфій. У той дзень я ўбачыў, што нейкі чалавек падышоў да мяне вельмі блізка і здымаў ці фатаграфаваў мяне на свой тэлефон. Тады я адразу падумаў, што гэта можа выклікаць праблемы ў будучыні, але ён толькі здымаў, не прасіў прадставіцца, не пытаўся, адкуль я», – распавёў журналіст 15min.
Рэдакцыя motolko.help прыносіць прабачэнні Дарусу Матайцісу за публікацыю яго фатаграфіі, якая суправаджалася неправеранымі звесткамі.
