In English:
A pregnant woman without outerwear was found at the border: she lost a child
На русском языке:
На границе нашли беременную без верхней одежды: она потеряла ребёнка
Учора тэлеграм-канал «МатолькоДапамажы» паведаміў, што на памежнай тэрыторыі Беларусі з Польшчай была знойдзена цяжарная дзяўчына, яе адвезлі ў шпіталь, але дзіця выратаваць не ўдалося.
Па нашай інфармацыі, у аўторак, 9 лістапада, дзяўчыну 27 гадоў на 36-37 тыдні цяжарнасці знайшлі памежнікі і адвезлі да памежнай вёскі Паплаўцы. Дзяўчына была знойдзена без верхняга адзення і абутку, ёй выклікалі хуткую і адвезлі ў медустанову ў Гродне, дзе канстатавалі «ўнутрывантробную гібель плода» — яна страціла дзіця.
Сёння начальнік галоўнага ўпраўлення арганізацыі медычнай дапамогі Міністэрства аховы здароўя Аляксей Шчарбінскі пацвердзіў інфармацыю, што дзяўчына паступіла ў бальніцу Гродзенскай вобласці, але дзіця цяжарнай грамадзянкі Ірака выратаваць не ўдалося.
«На жаль, не гледзячы на ўсе прадпрынятыя дзеянні, спецыялістам не ўдалося выратаваць дзіця: была дыягнаставана ўнутрывантробная гібель пложа. Сама жанчына знаходзіцца ў стабільным стане і атрымлівае ўсю неабходную дапамогу», – сказаў ён.
У тым жа паведамленні Шчарбінскі сцвярджае, што дзяўчына нібыта самастойна звярнулася ў бальніцу. З некалькіх крыніц нам вядома, што гэта хлусня. Яна гэта зрабіла не сама. На гэты момант невядома, хто і што з ёю зрабіў на тэрыторыі Беларусі.
Калі вы ці вашыя знаёмыя ведаюць больш аб гэтай сітуацыі – напішыце, калі ласка, на @motolko_bot.
