In English:
Nasha Niva: the KGB arrested 44 employees of the Academy of Science
На русском языке:
«Наша Ніва»: КГБ задерживал 44 сотрудника Академии Наук
Выданне «Наша Ніва» са спасылкай на свае крыніцы паведамляе, што на мінулым тыдні прайшоў шэраг затрыманняў супрацоўнікаў Акадэміі Навук.
Сярод іншага, выданню вядома, што былі затрыманыя трое навукоўцаў з Інстытута біяарганічнай хіміі навукова-прамысловага цэнтра «ХімфармСінтэз», пазней іх адпусцілі пад падпіску аб неразгалошванні. Таксама былі затрыманні ў Фізіка-тэхнічным інстытуце і Прэзідыуме НАН.
Паведамляецца, што ў супрацоўнікаў акадэмічных інстытутаў правяралі тэлефоны (праглядалі фотагалерэю і тэлеграм). Некаторым прапаноўвалі супрацоўніцтва з сілавікамі.
Прынамсі 5 ці 6 чалавек адправілі на суткі на Акрэсціна. Крыніцы выдання мяркуюць, што да навукоўцаў маглі прыйсці з-за тэлеграм-чата «Навукоўцы супраць гвалту».
Апроч вышэйсказанага, нам таксама вядома, што ў канцы кастрычніка КДБ прыходзіў у навуковыя інстытуты і БДУ. Былі затрыманні на Хімфаку БДУ і ў Інстытуце біяарганічнай хіміі.
Адзначым, што нашыя крыніцы таксама пацвярджаюць, што КДБ выклікаў на допыты тых навукоўцаў, хто быў у чаце «Навукоўцы супраць гвалту».
Больш за тое, гэта ўжо не першая хваля затрыманняў у інстытутах НАН РБ. Так паступала інфармацыя аб затрыманнях супрацоўнікаў на працоўных месцах яшчэ ў сярэдзіне верасня. Як мяркуецца, тады затрыманні таксама былі звязаныя з чатам.
