На русском языке:
Под санкции Новой Зеландии попал командующий ВВС и ПВО ВС РБ
МЗС Новай Зеландыі апублікаваў спіс фізічных і юрыдычных асобаў, якія патрапілі пад дадатковыя санкцыі супраць рэжыму ў Беларусі і РФ, уведзеныя Новай Зеландыяй 31 сакавіка.
Санкцыі закранулі 5 фізічных асоб з РБ:
- Андрэй Лукʼянавіч – камандуючы СПА і ВПС РБ;
- Аляксандр Лазіцкі – камандзір в/ч 65408 (аэрадром Лунінец);
- Ігар Дземідзенка – экс-камандуючы сіламі Заходняга аператыўнага камандавання;
- Уладзімір Купрыянюк – начальнік штаба Заходняга аператыўнага камандавання;
- Андрэй Некрашэвіч – былы начальнік галоўнага ўпраўлення баявой падрыхтоўкі УС РБ.
Андрэй Лук'яновіч, камандуючы ВПС і войскамі СПА УС РБ / МА РБ
Абвяшчаючы аб пашырэнні санкцый, кіраўнік МЗС Новай Зеландыі Наная Махута сказала, што санкцыі ўключаюць забарону на паездкі, на аперацыі з актывамі ці паслугамі, акцыямі ці каштоўнымі паперамі.
Новая Зеландыя ўводзіць санкцыі супраць рэжыму ўжо чацвёрты раз. У чэрвені 2021 г. МЗС абвясціла забарону на ўезд і транзіт для больш чым 50 чалавек з Беларусі, уключаючы Лукашэнку, ключавых сяброў яго адміністрацыі, выбарчую камісію, міліцыю і іншых сілавікоў.
У траўні 2022 МЗС Новай Зеландыі абʼявіў аб увядзенні новых санкцый супраць рэжыму. Тады пад рэстрыкцыі трапілі 27 фізічных і юрыдычных асоб з Беларусі ў сувязі з нападам Расіі на Украіну: Аляксандр Лукашэнка і шэраг чыноўнікаў МА РБ, сярод якіх памочнік міністра абароны па ідэалагічнай рабоце Леанід Касінскі і кіраўнік ідэалагічнага ўпраўлення Мінабароны Вадзім Лукашэвіч. Таксама абмежаванні былі ўведзены і ў дачыненні да 4-х юрыдычных асоб: Дзяржкамваенпрам, Synesis, «ОКБ ТСП» і кампаніі «Абаронныя ініцыятывы».
У лістападзе 2022 года пад санкцыі трапілі ўжо жонка экс-прэзідэнта Беларусі і яго сын Віктар, а таксама прэс-сакратар Наталля Эйсмант, начальнік Гомельскай памежнай групы Уладзіслаў Бруеў, камандуючы ССА РБ Вадзім Дзенісенка і іншыя чыноўнікі. Таксама ў санкцыйным спісе апынуліся 4 прадпрыемствы, якія маюць эканамічнае або стратэгічнае значэнне для РФ у нафтагазавым, металургічным і транспартным сектарах, а таксама ў сістэмах радыёлакацыі і электроннага абсталявання. Сярод іх адно з вядучых прадпрыемстваў ВПК РБ «КБ-Радар» (Open Joint Stock Company KB Radar-Managing Company Holding Radar System).
Чытайце таксама:
БРЦ: Беларусская фанера и пеллеты продолжают попадать в ЕС через Азию в обход санкций
США ввели санкции против БелАЗ, МАЗ и самолёта Лукашенко
Беларусы змогуць і надалей атрымліваць ВНЖ і грамадзянства Літвы? Сойм прыняў абмежаванні для беларусаў і расіян
БРЦ: Беларуская фанера і палеты працягваюць трапляць у ЕС праз Азію ў абыход санкцый
ЗША ўвялі санкцыі супраць БелАЗ, МАЗ і самалёта Лукашэнкі
