На русском языке:
Похоже, что «первый беларусский электрокар» был сварен 5 лет назад в минском гараже
10 верасня на ралі Minsk ELEKTRO-2022 навукоўцы Нацыянальнай акадэміі навук Беларусі прэзентавалі нібыта першы беларускі спартыўны электрамабіль, які нібыта можа развіваць хуткасць да 120 км/г. У Акадэміі навук тады заявілі, што практычна ўся электроніка ўласнай вытворчасці і ўжо задумваюцца аб масавай вытворчасці.
Нібыта першы беларускі электракар / Фота: НАН РБ
Аднак спяшацца ў такой справе не трэба. Па-першае, на фота з салона відаць, што гэты аўтамабіль зроблены проста агідна: мяты метал, фарба на рулі, усюды няроўныя грані і тырчаць кавалкі мантажнай пены. Такое адчуванне, што корпус нарэзалі балгаркай, а фарбавалі балонам як патрапіла.
Выгляд знутры электракара / Фота: НАН РБ
Нібыта ўсё ясна, зрабілі як умеюць… але падобна, што пачыналі рабіць гэтую машыну наогул не ў Акадэміі Навук. Канал @lab66 адшукаў донара гэтай машыны. Калі звярнуць увагу на элементы, то выходзіць, што «электракар» сабраў 5 гадоў таму беларускі ўмелец Дзмітрый Кабанаў проста ў сябе ў гаражы.
Прататып «першага беларускага электракара» / onliner.by
Дыскі ў распрацоўкі Акадэміі Навук і машыны Дзмітрыя ідэнтычныя – гэта рознашырокія Advan rg r16 7jj/8jj залатога колеру з надпісамі «Advan Rasing». Рама візуальна таксама падобная, на фота з салона аўта можна заўважыць часткі сталёвага шкілета машыны.
Прататып «першага беларускага электракара» / Фото: onliner.by
Дыскі «першага беларускага электракара» / Фота: НАН РБ
У прынцыпе, усё паказвае на тое, што перад намі той самы прататып першага беларускага электракара, які, канешне ж, эксклюзіўная распрацоўка Акадэміі Навук, няма ніякіх сумневаў.
