На русском языке:
Подразделения ССО РБ будут охранять российских военных в приграничье с Украиной до конца 2024 года
14 лютага камандаванне Сіл спецыяльных аперацый ВС РБ (ССА) падпісала дагаворы па тэндэры «Паслугі па мыцці бялізны і спецадзення, Гомельская вобласць». Тэрмін аказання паслуг – з 26 лютага па 31 снежня 2024 г.
Ва ўмовах тэндэру ўказана, што прыём бялізны і спецадзення ажыццяўляецца на тэрыторыі заказчыка. Месца яго знаходжання не ўдакладнялася – у тэндэры пазначана толькі Гомельская вобласць.
Месца знаходжання заказчыка паслуг можна зразумець на падставе інфармацыі аб пераможцах тэндэру. Аказваць паслугі вайскоўцам будуць дзве арганізацыі:
- Мазырскі раённы камбінат бытавога абслугоўвання;
- ЗАТ «Сняжынка» з Гомеля.
У Гомельскай вобласці на пастаяннай аснове не раскватараваны падраздзяленні ССА. Але з вясны 2022 г. нібыта для ўзмацнення аховы мяжы з Украінай на тэрыторыі Гомельскай вобласці (у Мазырскім і Гомельскім р-н.) на ратацыйнай аснове знаходзяцца падраздзяленні ССА.
Па выпадковым (не) супадзенні на аэрадромах «Мазыр» і «Зябраўка», таксама размешчаных у Мазырскім і Гомельскім р-н., з 2022 г. дыслакуюцца падраздзяленні 1530-га зенітнага ракетнага палка УС РФ. Указаныя ваенныя абʼекты не маюць афіцыйнага статусу (напрыклад, ваеннай базы УС РФ).
Раней мы ўжо звярталі ўвагу, што падраздзяленні ССА займаюцца не толькі аховай граніцы з Украінай, але і гарантаваннем бяспекі расійскіх ваенных.
Таксама камандаванне ССА з сакавіка па снежань 2024 г. плануе праводзіць палявыя выхады паблізу аэрадрома «Лунінец» (Брэсцкая вобл.). На аэрадроме раскватараваны 56-ы зенітны ракетны полк ВС РБ (в/ч 10198). Мяркуючы па ўсім, падраздзяленні ССА і гэты ваенны абʼект возьмуць пад ахову.
Такім чынам, ССА да канца 2024 г. будуць ахоўваць падраздзяленні войскаў СПА РБ і РФ, размешчаных на аэрадромах «Лунінец», «Мазыр» і «Зябраўка».
