На русском языке:
После диверсии в Мачулищи прилетел борт, закреплённый за единственным центром обслуживания ДРЛО А-50 в России: доп. доказательство подрыва А-50?
Увечары 26 лютага на аэрадром «Мачулішчы» прыляцелі ваенна-транспартныя самалёты Іл-76 (RF-86843) і Ан-26 ПКС РФ. І ўжо раніцай 27 лютага Іл-76 паляцеў на аэрадром «Іванава-Паўночны» у РФ. Характэрна, што самалёты прыляцелі ў дзень здзяйснення дыверсіі з самалётам ДРЛА А-50У.
Цікавая дэталь: паводле інфармацыі з адкрытых крыніц, на аэрадроме «Іванава-Паўночны» дыслакуецца 610-ы цэнтр баявога прымянення і перавучвання лётнага складу (авіяцыйнага персаналу ваенна-транспартнай авіяцыі) (610-ы цэнтр), авіяцыйна-тэхнічная база і 308-ы авіярамонтны завод. Менавіта ў 610-м цэнтры знаходзяцца на захоўванні, мадэрнізуюцца і рамантуюцца самалёты ДРЛА А-50. А ваенна-транспартны самалёт Іл-76 ПКС РФ (RF-86843) лічыцца за 610-м цэнтрам.
Адзначым, што на спадарожнікавых здымках ліпеня 2022 года (сэрвіс Google Планета Зямля) відаць, што на аэрадроме на захоўванні знаходзіцца не менш за 9 самалётаў ДРЛА А-50, яшчэ адзін – на рамонце.
Характэрна, што ў ліпені 2022 года на аэрадром «Мачулішчы» прыляталі два ваенна-транспартныя самалёты Іл-76, якія адносяцца да 610-га цэнтра. У той жа час на аэрадроме знаходзіўся ДРЛА А-50.
Усе гэтыя факты зʼяўляюцца ўскосным пацвярджэннем тэхнічных праблем з самалётам ДРЛА А-50У, які быў пашкоджаны 26 лютага ў выніку дыверсіі беларускіх партызан. Транспартны Іл-76 мог дастаўляць на аэрадроме «Мачулішчы» спецыялістаў або камплект запасных частак для рамонту ДРЛА А-50У.
За час поўнамаштабнага ўварвання РФ ва Украіну на аэрадромах УС РБ у розны час знаходзілася не менш за чатыры самалёты ДРЛА А-50 (RF-50608 – знаходзіцца ў РБ цяпер, RF-50610, RF-94268, RF-93966). Гэта значыць, што ПКС РФ размяшчалі не менш за чатырма працоўнымі А-50 (да 26 лютага 2023 года).
Каля 12:00 самалёт Ан-26 таксама паляцеў на аэрадром «Іванава-Паўночны». Па нашых звестках, ён можа зноў прыляцець у Мачулішчы.
