На русском языке:
«Платить не стану пока не начнут «руки выкручивать»: как беларусы относятся к транспортному налогу?
Ужо заўтра, 15 лістапада, апошні дзень аплаты так званага транспартнага падатку. Сумы без уліку авансу (29 рублёў) і розных скідак, вар’іруюцца ад 41 да 508 (!) рублёў. Больш за тое, калі ў вас ёсць і аўто і прычэп, то трэба будзе плаціць за абодва транспартныя сродкі.
Нават калі падлічыць па мінімальнай стаўцы на аўто – 61 рубель (у МПЗ заяўлялі, што пад яго трапляе 1,8 млн. чалавек), то яны хочуць атрымаць – 109,8 мільёнаў рублёў.
Тэлеграм-канал «Паглядзі, брахня?» даведаўся ў беларусаў, што яны думаюць, як ставяцца да гэтага падатку і ці будуць плаціць. Калі коратка, то стаўленне большасці можна апісаць як «вельмі негатыўнае», слова беларусам:
💬 «За аўто я заплаціў, але пачакаў даўжэй, каб гэтым вырадкам менш грошай было»;
💬 «Транспартны падатак… не, не буду аплачваць»;
💬 «Летась аванс у лістападзе не плаціў, заплаціў толькі гэтым летам, бо трэба было перасякаць мяжу. На гэты раз трэба заплаціць у суме атрымліваецца каля 120 р. за 1 машыну. Плаціць не стану, пакуль не пачнуць «рукі выкручваць». Настолькі дасталі, што нават лішняй капейкі плаціць жаданні няма!»;
💬 «Натуральна, мяне ўсё гэта зусім не задавальняе і выклікае гнеў (каторы раз). Толькі я не ведаю спосабу, як адкасіць ад гэтага»;
💬 «Стаўлюся негатыўна! Тым больш, што аўто з сакавіка месяца не карыстаюся ў сувязі з пазбаўленнем правоў пасля антываеннага мітынгу»;
💬 «Спецыяльна прадаў машыну, каб не плаціць падатак. Прадаў у пачатку восені, вядома, нешта налічаць на 2022 год, але сам нічога плаціць не буду, няхай самі спішуць, калі нешта знойдуць»;
💬 «Падатак на аўто заплаціў, бо потым выйдзе даражэй пры прымусовым спагнанні. Аванс ніякі не плаціў і тэхагляд таксама»;
💬 «Машыну прадаў у мінулым годзе на матацыкле выехаў у Польшчу, прыйшоў транспартны падатак, цёшчы казаў не плаціць..»;
💬 «Заплаціла. Прыйшлося. Бо інакш забяруць нерухомасць, аўто, пазбавяць права кіравання аўто і забароняць выезд за мяжу »;
💬 «Варыянт з прымусовым спісаннем непрыдатны, яшчэ больш даплаціць давядзецца. Тэхагляд не плаціў – не праходзіў, а цяпер прыйшлося. Акрамя таго пасля 20 года знізіў прабег на аўто з 25.000 у год да 7-9000»;
💬 «Ставімся дрэнна, варыянтаў не плаціць – не, спішуць з усіх рахункаў прымусова, потым будзеш пісаць заявы аб вяртанні».
