На русском языке:
Представитель Госдепа США Прайс: «Беларусь уже давно уступила свой суверенитет в значительной степени России»
Прадстаўнік Дзярждэпартамента ЗША Нэд Прайс правёў брыфінг для прэсы, на якім адзін з журналістаў задаў пытанне аб тым, ці ёсць нейкія прыкметы таго, што Беларусь у бліжэйшы час можа быць больш актыўна ўцягнутая ў вайну Пуціна супраць Украіны, што ЗША робяць, каб гэта прадухіліць, і якія будуць наступствы гэтага для рэжыму ў Беларусі?
На што Прайс адказаў: «Разам з нашымі саюзнікамі і партнёрамі мы робім дзеянні, накіраваныя супраць фінансавых сетак і актываў Крамля, а таксама супраць актываў і фінансавых сетак, якія забяспечваюць рэжым Лукашэнкі і яго эліту. Да таго часу, пакуль гэты рэжым працягвае падтрымліваць Крэмль і яго агрэсію супраць Украіны, мы будзем працягваць прымяняць новыя эканамічныя меры не толькі супраць Расіі, але і супраць Беларусі, у прыватнасці, супраць іх інстытутаў і элітаў».
Акрамя таго, Прайс адзначыў, што факт таго, што Пуцін змог выкарыстаць Беларусь, як плацдарм для нападу на Украіну, з’яўляецца чарговым сведчаннем таго, што Лукашэнка і ягоныя набліжаныя клапоцяцца толькі пра свае інтарэсы, а не пра інтарэсы беларускага народа. І сказаў, што Беларусь ужо саступіла частку свайго суверэнітэту РФ.
«Справа ў тым, што Беларусь ужо даўно саступіла свой суверэнітэт у значнай ступені Расіі. Той факт, што прэзідэнт Пуцін здолеў выкарыстаць тое, што павінна быць суверэннай беларускай тэрыторыяй, у якасці плацдарму. Той факт, што жорсткі напад на народ Украіны зыходзіць з тэрыторыі суверэннай трэцяй краіны, Беларусі ў дадзеным выпадку, гэта яшчэ адно сведчанне таго, што рэжым Лукашэнкі не дзейнічае ў інтарэсах беларускага народа, што Лукашэнка і ягоныя набліжаныя, як яны ўвесь час робяць, клапоцяцца толькі аб сваіх уласных інтарэсах», – сказаў Нэд Прайс.
