«Свабодная дэмакратычная Беларусь будзе найлепшай санкцыяй супраць Пуціна»: Ціханоўская ў Еўрапарламенце заклікала прызнаць Аб’яднаны пераходны кабінет Беларусі

Фото: Европарламент
4 хв.

На русском языке: «Свободная демократическая Беларусь будет лучшей санкцией против Путина»: Тихановская в Европарламенте призвала признать Объединенный переходный кабинет Беларуси

Святлана Ціханоўская сёння падчас выступу ў Камітэце па знешніх справах Еўрапарламента заклікала прызнаць Аб’яднаны пераходны кабінет прадстаўніком беларускага народа і наладзіць з ім супрацоўніцтва.

«Я заклікаю вас сёння адхіліць мёртвы і махлярскі рэжым Лукашэнкі і працаваць з намі, каб пабудаваць свабодную і дэмакратычную Беларусь, прызнаць Абʼяднаны пераходны кабінет у якасці сапраўднага прадстаўніка народу. Мы гатовы супрацоўнічаць і рэалізоўваць сумесныя праекты ў рамках «Усходняга партнёрства» і іншых праграм. Мы ўжо ўсталявалі такое супрацоўніцтва з Радай Еўропы. Упершыню ў гісторыі Рада Еўропы не будзе ўзаемадзейнічаць з афіцыйным урадам, а з нашым дэмакратычным рухам. Мы заклікаем Еўрапарламента зрабіць тое ж самае», – сказала Ціханоўская.

Беларуская нацыянальная лідарка таксама зазначыла, што еўрадэпутаты могуць дапамагчы беларускім дэмакратычным сілам прадэманстраваць, што Беларусь чакаюць у Еўропе: распрацаваць новую дэмакратычную Канстытуцыю і рэформы. Па словах Ціханоўскай, свабодная дэмакратычная Беларусь будзе найлепшай санкцыяй супраць Пуціна, а найлепшай дапамогай Украіне – 1000-кіламетровая мяжа з Беларуссю, якая не зʼяўляецца калоніяй Крамля.

Акрамя таго, у сваім выступе Ціханоўская таксама асудзіла дзеянні рэжыму Лукашэнкі па падтрымцы расейскай агрэсіі супраць Украіны, разгортванне рэгіянальнай групоўкі войскаў, бо гэтыя дзеянні Лукашэнкі зʼяўляюцца легалізацыяй акупацыі Беларусі.

Папярэдні матэрыял
Прадстаўнік Дзярждэпа ЗША Прайс: «Беларусь ужо даўно саступіла свой суверэнітэт у значнай ступені Расіі»
Наступны матэрыял
«Наша Ніва»: Рашэнне аб правядзенні ўтоенай мабілізацыі прынята, яна пройдзе пад выглядам праверкі боегатоўнасці

Iншыя матэрыялы