На русском языке:
Пропагандисты из РФ и РБ посетили полигон «Лепельский», где тренируются российские военные
Прапагандысты з РБ і РФ наведалі адзін з палігонаў УС РБ, на якім праходзіць падрыхтоўка так званай рэгіянальнай групоўкі войскаў. Пра гэта паведаміла МА РБ.
На апублікаваных МА РБ фота быў мінамёт 2Б9 «Васілёк» калібру 82 мм. Як мы паведамлялі раней, такія мінамёты былі заўважаныя на палігоне «Лепельскі» 30 сакавіка. Таксама па нашай інфармацыі на палігон «Лепельскі» з Мінска сёння раніцай прыляцеў верталёт Мі-8 ПКС РФ. Такім чынам, можна меркаваць, што менавіта гэты палігон у Віцебскай вобласці наведалі прапагандысты.
Як заявіў кіраўнік галоўнага ўпраўлення баявой падрыхтоўкі УС РБ А. Бас, навучаннем і падрыхтоўкай падраздзяленняў рэгіянальнай групоўкі войскаў займаецца больш за 500 інструктараў з РБ. Раней з падобнай заявай выступаў і Лукашэнка.
Таксама Бас заявіў, што для падрыхтоўкі расейскіх вайскоўцаў задзейнічаны шэраг палігонаў і ўчасткаў мясцовасці ў РБ. І ў цэлым створана сучасная вучэбна-матэрыяльная база, трэнажорныя комплексы. Як раней мы паведамлялі, расейскія вайскоўцы навучаюцца ў 72-м абʼяднаным навучальным цэнтры, дзе нядаўна быў адрамантаваны агнявое мястэчка.
Нагадаем, што расейскія вайскоўцы пачалі навучанне на палігонах УС РБ з кастрычніка 2022 года. Апошні раз МА РБ распавядала пра падрыхтоўку расейскіх вайскоўцаў на палігонах у РБ 10 сакавіка – у той самы момант, калі падыходзіла да канца чарговая ратацыя падраздзяленняў УС РФ у РБ, і іх выбыццё ў зону баявых дзеянняў ва Украіне.
Таму мэтай разгортвання так званай рэгіянальнай групоўкі войскаў зʼяўляецца найперш навучанне расейскіх вайскоўцаў.
Характэрна, што сённяшні візіт на палігон «Лепельскі» супаў з адлётам з РБ у РФ трох МіГ-31К ПКС РФ.
