На русском языке:
Пункт размещения мигрантов в «Брузгах» прекратил работу
Сёння раніцай ДПК РБ паведаміў, што ў транспартна-лагістычным цэнтры «Брузгі» спыніў працу пункт размяшчэння мігрантаў. Уначы частка з іх магла паляцець у Эрбіль.
Па звестках на 20 сакавіка, там заставаліся 409 чалавек.
Увечары, у MSQ з Багдаду (Ірак) прыляцеў Boeing 737-8GJ авіякампаніі Fly Baghdad c рэгістрацыйным нумарам YI-BAS. Характэрна, што на сайце MSQ гэтага борта ў раскладзе прылётаў не было, раней іх самалётамі ў Беларусь прыляталі мігранты.
Па афіцыйным паведамленні, уначы з Беларусі ў Эрбіль (Ірак) эвакуацыйным рэйсам вылецелі 98 мігрантаў. Борт сапраўды вылецеў з MSQ у Эрбіль сёння ў 02:54. Адзначым, што максімальная колькасць месцаў гэтага самалёта — 189.
Паведамляецца, што астатнія мігранты «па іх просьбе часова расселеныя ў гасцініцах і санаторыях для чакання наступных вывазных рэйсаў». Атрымліваецца, у Беларусі застаюцца мінімум 311 мігрантаў.
У той жа час, за суткі зафіксавалі 134 спробы нелегальнага пераходу мяжы — рэкорд у 2022 годзе.
