На русском языке:
Рухнул вертолёт за $12,5 млн: Что известно о крушении Ми-24 ВКС РФ прямо сейчас?
У раёне 13:30 каля трасы М1 паміж Івацэвічамі і Баранавічамі абрынуўся верталёт Мі-24 ПКС РФ. У афіцыйным паведамленні прэс-службы МА РБ сказана, што экіпаж верталёта «атрымаў цялесныя пашкоджанні», але пры гэтым МА не называе ні мадэль верталёта, ні якім войскам ён належыць.
Што вядома пра крушэнне Мі-24 ВКС РФ прама цяпер?
Па-першае, паводле звестак маніторынгавай групы «Беларускі Гаюн», актыўнасць авіяцыі, у тым ліку верталётаў і знішчальнікаў на бліжэйшым да месца крушэння аэрадроме – «Баранавічы», пачала фіксавацца сёння з 11:30.
Па нашых дадзеных, верталёт упаў каля аг. Лясная (Баранавіцкі раён, Брэсцкая вобл).
Месца крушэння верталёта Мі-24 ПКС РФ
Вядома, што верталёт ляжыць проста каля трасы М1 па баку ў напрамку Брэста. Аналіз паведамленняў паказвае, што на месцы крушэння прысутнічаюць МНС, ВАІ РФ, ваенная паліцыя і «Урал» з літарамі НПСК – гэта мабільны комплекс сродкаў наземных пошукава-выратавальных каманд (МКС НПСК).
Аналізуючы фота з чатаў можна дакладна зразумець, што абваліўся менавіта расійскі верталёт Мі-24. Па-першае, на ім выразна бачны акупацыйны сімвал «Z», па-другое, на хваставой частцы прысутнічае надпіс ПКС ці ВПС РАСІІ і рэгістрацыйны нумар верталёта.
Адзначым, што ў верталётаў ВПС РБ у адрозненне ад ПКС РФ на месцы, дзе «Z» знаходзяцца буйныя лічбы нумара борта. Акрамя таго, ва ўсіх Мі-24 ВПС РБ ёсць дзярж. сцяг на паветразаборніках.
Верталёт Мі-24 ПКС РФ / Беларускі Гаюн
Прыклад: фота верталёта Мі-24 ВПС РБ, надпіса ВПС РАСІІ няма, і лічбы на месцы літары Z
Таксама варта сказаць, што кошт такога верталёта складае каля $12 500 000. Працягваем сачыць за сітуацыяй.
