СМІ: Аўстрыя зменіць свайго амбасадара ў Беларусі?

Canva
Абноўлена
3 хв.

Аўстрыйскае выданне OTS паведамляе, што на сённяшнім паседжанні Савета Міністраў па просьбе кіраўніка МЗС Аўстрыі Аляксандра Шаленберга было прынята рашэнне аб замене паслоў Аўстрыі ў некалькіх краінах, у тым ліку ў Беларусі.

Паведамляецца, што цяперашні пасол Аўстрыі ў Беларусі Алаізія Вэргетэр ідзе на павышэнне і накіроўваецца ў Страсбург, дзе ўступіць на пасаду пастаяннага прадстаўніка Аўстрыі пры Савеце Еўропы. На месца ў Мінску прызначаецца Рональд Штурм. Вядома, што раней Штурм быў амбасадарам Аўстрыі ў «гарачых кропках», у прыватнасці ў Трыпалі (Лівія).

Па словах гісторыка Аляксандра Фрыдмана, выбар на карысць Штурма шмат што кажа аб успрыняцці Беларусі ў Аўстрыі. Цікавасць выклікае, аднак, не толькі бэкграўнд новага пасла, але і сама змена кіраўніка дыпламатычнага прадстаўніцтва, якая адбываецца на фоне абвастрэння адносін паміж Мінскам і Венай.

Асобна варта адзначыць, што на момант публікацыі, інфармацыя аб новых прызначэннях не была апублікаваная на сайце МЗС Аўстрыі.

Дапоўнена ў 14:50: Інфармацыя аб прызначэнні Рональда Штурма ў Мінск з’явілася на сайце МЗС Аўстрыі.

In English: Media: Will Austria change its ambassador to Belarus?
На русском языке: СМИ: Австрия сменит своего посла в РБ?

Папярэдні матэрыял
«Збіваюць пры затрыманні і будзяць уначы»: Умовы ўтрымання ў Магілёўскім ІЧУ
Наступны матэрыял
Брытанскія адвакаты выйгралі справу ў ААН наконт незаконнага затрымання Рамана Пратасевіча. Абнаўляецца

Iншыя матэрыялы