In English:
Losses of 15 million, saving on everything and introduction of a 4-day work schedule: how did sanctions and the war affect Belarus’ main airport?
На русском языке:
Убытки на 15 млн, экономия на всём и переход на 4-дневку: как санкции и война отразились на главном аэропорту Беларуси?
На днях мы пісалі аб праблемах у авіякампаніі «Белавія» з атрыманнем Boeing 737 MAX 8, а сёння вырашылі прадоўжыць авіяцыйную тэматыку і высветліць як пажывае Нацыянальны аэрапорт «Мінск» (MSQ), па якім спачатку ўдарыў адмову большасці авіякампаній лётаць у Беларусь пасля прымусовай пасадкі Ryanair, а потым і пачатак вайны ва Украіне.
▪️ Как главная воздушная гавань страны превратилась в должника?
Пачнём з таго, што 23 траўня 2021 года самалёт авіякампаніі Ryanair, на борце якога знаходзіўся Раман Пратасевіч, прымусова пасадзілі ў Беларусі, каб арыштаваць журналіста-дысідэнта. Пасля гэтага ва ўсёй авіяпрамысловасці краіны пачаліся сур’ёзныя праблемы: беларускія самалёты страцілі магчымасць лятаць у аэрапорты і пралятаць над тэрыторыяй Еўразвяза, а еўрапейскія перавозчыкі сталі аблятаць паветраную прастору Беларусі, што аўтаматычна пазбавіла аэрапорт большасці прыбыткаў.
Да гэтага дадалося і выключэнне MSQ з шэрагу арганізацый, напрыклад з Міжнароднага саюза аэрапортаў (ACI), і адмова профільных кампаній і сэрвісаў аказваць паслугі аэрапорту. MSQ адключылі ад міжнароднай сістэмы SITA, і з ім перастала працаваць французская група кампаній TLD, якая пастаўляла ў аэрапорт большасць дапаможнай тэхнікі: цягачы, істужачныя пагрузчыкі, трапы і гэтак далей.
А з 1 траўня 2022 года аэрапорт увогуле перайшоў на 4-дзённы працоўны тыдзень і быў вымушаны ўвесці рэжым прастою для зменнага персаналу пра што гендырэктар MSQ Вячаслаў Харанека публічна паведаміў толькі ў пачатку ліпеня.
▪️ MSQ после 24 февраля: отмена рейсов, убытки и долги
Сітуацыя дайшла да таго, што пасля пачатку вайны ва Украіне рэгулярныя рэйсы ў аэрапорт выконвалі толькі тры авіякампаніі: «Белавія», «Аэрафлот» і «Узбекскія авіялініі».
Па нашай інфармацыі, чыстая страта аэрапорта толькі за першае паўгоддзе 2022 года склала каля 15 000 000 рублёў. У дадзены момант MSQ не хапае сродкаў нават на базавую функцыянаванне, бо штомесяц на бягучыя выдаткі неабходна мінімум 8 млн. рублёў, а атрымліваюць толькі 6 млн. Акрамя таго, з-за пачатку вайны ва Украіне, аэрапорт пазбавіўся каля 1350 рэгулярных рэйсаў.
Варта сказаць пра спыненне палётаў у MSQ грузавых авіякампаній, якія таксама ўносілі важкі ўклад у бюджэт порта. Так у Беларусь перасталі лётаць: UPS, Air China Cargo і Turkish Cargo (залятаюць часам на дазапраўку). На сённяшні дзень выкарыстоўваць аэрапорт працягваюць толькі два беларускія грузавыя авіяперавозчыкі, якія ў MSQ і базуюцца: Rubystar Airways і «ТрансАвіяэкспарт».
Цяпер на прадпрыемстве ўведзены рэжым жорсткай эканоміі паліва і матэрыялаў, спынена выплата ўсіх прэмій, прыпынены ўсе бягучыя рамонты на аб’ектах аэрапорта, дайшло да таго, што эканомяць нават на паслугах сувязі.
Адзіным пазітыўным момантам, які хоць крыху павысіў даходы порта, было часовае аднаўленне рэйсаў Мінск-Тбілісі авіякампаніяй Georgian Airways (лёталі да 25 сакавіка), аднаўленне палётаў Air China у Пекін і адкрыццё палётаў лаўкостара «Перамога» з Санкт-Пецярбурга ў Мінск. У планах таксама запуск рэйсаў іранскай авіякампаніяй Mahan Air. Аднак па словах крыніц, палепшыць сітуацыю гэта дапамагло не моцна, бо ў аэрапорце зараз актыўна ходзяць чуткі аб увядзенні 3-дзённага працоўнага тыдня, і скарачэнні яшчэ каля 200 чалавек.
