In English:
Thousands of migrants are trying to break into the EU. Monday Chronicle
На русском языке:
Тысячи мигрантов пытаются прорваться в ЕС. Хроника понедельника
Сёння раніцай каля пагран-пераходу Брузгі-Кузніца М6 Гродна была заўважана калона мігрантаў, якая рухалася ў бок мяжы з Польшчай. У асноўным гэта іракскія курды, маладыя мужчыны з паходнымі рукзакамі, радзей сустракаюцца жанчыны і дзеці. Калону суправаджаюць узброеныя супрацоўнікі памежнага камітэта Беларусі. У самога КПП яны перагарадзілі мігрантам праход і пачалі адціскаць у лес.
Храналогію коратка — у нашым відэа, падрабязнасці чытайце ў анлайн-трансляцыі.
Раніца
Раніцай мігранты выйшлі з лесу ў памежнай зоне з Польшчай і накіраваліся ў бок КПП Брузгі-Кузніца.
Потым калона мігрантаў рушыла ў бок мяжы з Польшчай.
Узброеныя людзі перакрылі праход да памежнага пераходу ў бок Польшчы.
Дзяржаўны пагранкамітэт Беларусі афіцыйна пацвердзіў, што ў дадзены момант шматлікая група бежанцаў з рэчамі рухаецца ўздоўж трасы да мяжы з Польшчай і своеасабліва пракаментаваў тое, што адбываецца:
«Памежная варта Польшчы неаднаразова рапартавала аб тым, як тысячамі выцясняе мігрантаў да мяжы з Беларуссю. На падобны крок роспачы бежанцаў падштурхнула абыякавасць і бесчалавечнае стаўленне польскіх улад. Беларускім бокам прымаюцца неабходныя меры для забеспячэння бесперабойнага функцыянавання каналаў міжнародных паведамленняў, а таксама бяспекі людзей, якія рухаюцца па аўтамагістралі».
Зыходзячы з гэтага паведамлення можна заключыць, што ўзброенае суправаджэнне мігрантам забяспечыў сам Дзяржпагранкамітэт РБ.
Тым часам сотні мігрантаў сядзяць на схілах і стаяць на дарозе да КПП Брузгі-Кузніца.
Рэакцыя польскіх улад
Міністр замежных спраў Польшчы Пётр Ваўжык назваў тое, што адбываецца, правакацыяй беларускага боку. Ён упэўнены, што «ўлады Беларусі імкнуцца да эскалацыі, якая прывядзе да гібелі людзей як мінімум на адным з бакоў». Пра гэта ён заявіў у інтэрв’ю «Польскаму радыё».
Міністр-каардынатар спецслужбаў Польшчы Станіслаў Жарын назваў тое, што адбываецца, «найбуйнейшай спробай сілавога ўварвання ў Польшчу».
На польска-беларускай мяжы аб’яўлена баявая гатоўнасць.
Пра гэта ў сваім Twitter напісаў кіраўнік Мінабароны краіны Марыюш Блашчак. Паводле яго слоў, зараз на мяжы дзяжураць больш за 12 тысяч польскіх салдат.
Na granicy pełni służbę już ponad 12 tys. żołnierzy. Podnieśliśmy stan gotowości @terytorialsi. Wspólnie ze służbami MSWiA jesteśmy przygotowani do obrony polskiej granicy. https://t.co/1HtsNJEsGU
— Mariusz Błaszczak (@mblaszczak) November 8, 2021
Па стане на 10:30 усе салдаты польскага войска тэрытарыяльнай абароны ўздоўж беларускай мяжы пераведзены на 6-гадзінную гатоўнасць. Пра гэта паведамляецца ў твітары ведамства.
«Салдаты! Праверце абсталяванне і сродкі сувязі, паведаміце працадаўцам і блізкім!»
Podnosimy alert gotowości naszych sił do wsparcia @Straz_Graniczna!
Od g. 10.30 100% żołnierzy 1,2,4 BOT jest w 6-godzinnej got. do działania.
Żołnierze! Sprawdźcie wyposażenie i środki łączności, powiadomcie pracodawców i bliskich!#terytorialsi #SilneWsparcie pic.twitter.com/jBd9Hws3P8— Terytorialsi — Zawsze gotowi, zawsze blisko! (@terytorialsi) November 8, 2021
Новы паварот
Мігранты, якія рухаліся да мяжы з Польшчай, вымушаны былі звярнуць у бок лесу за 200-300 метраў ад КПП. Цяпер там знаходзіцца каля тысячы чалавек пад «наглядам» узброеных асоб, якія перакрылі рух да пагранпераходу Брузгі. На анлайн-камерах відаць, што каля самага пагранперахода нікога няма.
Motolko.help
Узброеныя супрацоўнікі панранкамітэта РБ сталі ўздоўж дарогі з сабакамі, каб мігранты былі вымушаныя звярнуць у лес.
На мяжу з Польшчай прыбыло вялікае падмацаванне ў выглядзе супрацоўнікаў Унутраных войскаў РБ. Відэа знята на пагранпераходзе Брузгі.
Начальнік грамадскай бяспекі УУС Гродзенскага аблвыканкама Віталь Стасюкевіч, які кіраваў прыгнечаннем пратэстаў у Гродне, заўважаны на мяжы з Польшчай, паведамляе тэлеграм-канал Probel.pl.
Тым часам у Мінску з абгароджанай тэрыторыі на Якубоўскага, 20 выязджаюць бусы АСАМ (Асобная служба актыўных мерапрыемстваў, якая спецыялізуецца на барацьбе з тэрарыстычнай дзейнасцю). Напэўна для таго, каб таксама накіравацца да беларуска-польскай мяжы.
Motolko.help
Пракрамлёўскае выданне «Спутнік Беларусь» са спасылкай на Паграканмітэт РБ паведамляе, што калона мігрантаў нібыта перасекла мяжу і ўжо трапіла ў Польшчу, а з беларускага боку ачапленне знята.
Інфармацыя выглядае вельмі сумнеўна. У рэдакцыю Motilko.help працягваюць паступаць відэа з мігрантамі па беларускі бок мяжы. Да таго ж, мігранты дасылаюць нам свае лакацыі, і па іх відавочна, што калона не перасекла мяжу з ЕС.
Укід ад Пагранкамітэта: «мігранты ўжо ў Польшчы»
Група мігрантаў знаходзіцца тут / Motolko.help
Міністэрства абароны Польшчы таксама апублікавала відэа з верталёта ў сваім Twitter, з якога бачна, што мігранты знаходзяцца па беларускі бок мяжы.
Grupa migrantów znajduje się obecnie w okolicach Kuźnicy pic.twitter.com/w5VxXp9QqQ
— Ministerstwo Obrony Narodowej 🇵🇱 (@MON_GOV_PL) November 8, 2021
Паведамляюць што зараз на КПП Брузгі-Кузніца спынена працэдура афармлення легкавых аўтамабіляў. Пагранпераход не працуе.
Мігранты ў атачэнні ўзброеных сілавікоў РБ на тэрыторыі Беларусі / Motolko.help
Motolko.help
У праўладных тэлеграм-каналах распаўсюджваецца відэа АНТ, на якім мігранты праз дзірку ў агароджы нібыта перасякаюць беларуска-польскую мяжу. Наша крыніца, якая праходзіла тэрміновую службу на беларуска-польскай мяжы, памежнік, выкрыў гэты фэйк. Агароджа, якая трапіла на відэа, знаходзіцца на беларускім баку мяжы і, абыходзячы яе, мігранты трапілі ў нейтральную паласу паміж дзяржавамі.
Дарадца Святланы Ціханоўскай Франак Вячорка прапанаваў уладам Польшчы і Літвы распачаць дзеянні ў адказ на эскалацыю міграцыйнага крызісу:
- Тэрмінова спыніць грузавыя перавозкі (аўтамабілі і цягнікі) да таго часу, пакуль сітуацыя на мяжы з ЕС не стабілізуецца.
- Накласці санкцыі на банкі і праваахоўныя органы рэжыму, адказныя за незаконны ўвоз мігрантаў.
What could 🇵🇱 & 🇱🇹 do in response to the migrant crisis that Lukashenka created?
➡️ Urgently stop freight traffic (cars&trains) until the situation stabilizes at the borders with 🇪🇺
➡️ Sanction the regime’s banks & law enforcement agencies responsible for the migrant smuggling. pic.twitter.com/h6ZSJkFU9F— Franak Viačorka (@franakviacorka) November 8, 2021
