На русском языке:
В июле с территориальной обороной Солигорского района пройдут учения
Пра гэта заявіў ваенны камісар Мінскай вобласці Ігар Тарабеш.
Паводле словаў ваенкама, у адпаведнасці з планам падрыхтоўкі органаў упраўлення тэрытарыяльнай абароны Мінскай вобласці з 27 чэрвеня па 21 ліпеня ў Салігорскім раёне запланавана правядзенне збору па тэрытарыяльнай абароне. На зборы будуць прызваны з запасу 150 ваеннаабавязаных. Вынікам збору стане правядзенне камандна-штабнога вучэння з сіламі тэрытарыяльнай абароны Салігорскага раёна.
Таксама 20 ліпеня падчас збору запланавана правядзенне аднадзённага збору са старшынямі раённых выканаўчых камітэтаў вобласці па пытаннях арганізацыі тэрытарыяльнай абароны. На мерапрыемстве запланавана правядзенне тэарэтычных і практычных заняткаў, а таксама першынства па стральбе з пісталета ТТ.
Адзначым, што ў бюджэце Салігорскага раёна на 2023 год запланаваны выдаткі на нацыянальную абарону ў памеры 21 000 BYN ($7165). Гэта ў 2,8 раза больш, чым у 2022 годзе.
З пачатку 2023 года вучэнні з тэрытарыяльным войскамі прайшлі ўжо ў наступных рэгіёнах РБ:
- Мінская вобласць: Барысаўскі раён (раз, два);
- Гродзенская вобласць: Навагрудскі і Карэліцкі раёны;
- Гомельская вобласць: Мазырскі раён і горад Гомель;
- Мінск: Ленінскі раён.
Усяго на зборы тэрытарыяльнай абароны за студзень-май 2023 года былі прызваныя не менш за 530 рэзервістаў.
