На русском языке:
В Могилёве, Лиде, Барановичах, Витебске, Молодечно и Гомеле, вероятно, начались забастовки ИП
Тэлеграм-канал «Паглядзі, брахня?» паведамляе, што сёння ў Магілёве не адчыніліся павільёны ІП. Прычына ў тым, што ў апошнія дні была вялікая колькасць праверак і штрафаў ад падатковай. Таксама паведамляюць, што забастоўка пачалася і на адным з рынкаў Ліды.
Акрамя таго, ёсць дадзеныя, што і ў Баранавічах іпэшнікі па ўсім горадзе закрылі свае павільёны (цікава, што пра гэта паведаміла дзяржаўная раённая газета). Паведамляецца, што яны аб’явілі аб прыпыненні сваёй дзейнасці да таго часу, пакуль не атрымаюць дакладнага тлумачэння, як далей прымяняць механізм цэнаўтварэння.
Ужо вядома, што сёння не адкрыліся ў знак пратэсту і неразумення, як працаваць далей розныя крамы ІП у: Баранавічах, Лідзе, Магілёве, Маладзечне, Віцебску і Гомелі.
Вось, што пішуць людзі:
▪️ «Усё з-за пачатку праверак у адным з рынкаў горада. Людзі ў шоку. Яны не разумеюць, як далей весці бізнес. У кожнага ёсць да чаго прычапіцца. Штрафы проста не пацягнуць. Прасцей закрыцца. Ужо пачалі шукаць іншую працу. Але з гэтым складана. Людзі ў стрэсе»
▪️ «У Гомелі зачыненыя маленькія крамы. Некалькі рынкаў, гэтак жа не працуюць»
▪️ «На адным з рынкаў Менска не адкрыліся 99% павільёнаў, працуюць адзінкі».
У якіх гарадах сёння не адкрыліся ІП (вядомыя даныя на бягучы момант):
▪️ Ліда,
▪️ Баранавічы,
▪️ Магілёў,
▪️ Віцебск,
▪️ Гомель,
▪️ Маладзечна,
▪️ Мінск.
Спіс будзе абнаўляцца.
Калі вам вядома, дзе яшчэ ІП/крамы не адчыніліся ў знак пратэсту – пішыце ў ананімны @motolko_bot.
