На русском языке:
Основатели «Евроопта» вышли из совета директоров «Евроторга»?
Заснавальнікі найбуйнейшага ў Беларусі рытэйлера «Еўраопт» Сяргей Літвін і Уладзімір Васілька зніклі са спісу ўдзельнікаў савета дырэктараў. Гэта вынікае са зменаў, якія кампанія ў пачатку кастрычніка ўнесла ў праспект эмісіі аблігацый, на што звярнула ўвагу Zerkalo.io.
Змяненні ў праспект эмісіі аблігацый «Еўрагандлю» былі ўнесеныя 5 кастрычніка. Калі раней у пункце 8.1. «Звесткі аб членах дырэктараў Эмітэнта» былі пазначаны 4 чалавекі (Сяргей Літвін, Уладзімір Васілька, фінансавы дырэктар «Еўрагандлю» Алеся Сапунова і старшыня Аляксандр Літвін), то цяпер гэты пункт змяшчае толькі тры ПІБ, сярод якіх заснавальнікі сеткі больш не значацца.
Акрамя таго, з сайта кампаніі «Еўраопт» знікла старонка з дадзенымі аб кіраўніцтве. На дадзены момант яна дасяжная толькі праз архіў.
Выданне не выключае, што прычынай выхаду заснавальнікаў з рады дырэктараў можа з’яўляцца тое, што ў ліпені «Еўраторг» трапіў у спіс кампаній, замежным удзельнікам якіх забараняецца распараджацца сваім акцыямі «без дазволу».
