На русском языке:
Опять цензура? В Минске отменен концерт «ЛСП»
У Мінску адмянілі канцэрт беларуcкага гурта «ЛСП», пра гэта гурт паведаміў на сваёй старонцы ў Instagram. Канцэрт мусіў адбыцца 23 кастрычніка ў 19:00 у мінскім клубе «Falcon Club», за тры тыдні да выступу ўсе квіткі былі распрададзеныя.
View this post on Instagram
«Па незалежных ні ад выканаўцы, ні ад арганізатараў прычынах канцэрт ЛСП у Мінску адменены. Вам прыйдзе імэйл з інструкцыяй, як вярнуць грошы за квіток. Таксама інфа па вяртанні ёсць у сустрэчы ВК», – паведаміў гурт у Instagram.
Нягледзячы на тое, што гурт не называе прычыну адмены канцэрту, мы можам выказаць здагадку, што гэта чарговы прыклад дзяржаўнай цэнзуры артыстаў у Беларусі.
Справа ў тым, што ўсяго два дні таму, 13 кастрычніка, тэлеграм-канал «Жоўтыя слівы», які з’яўляецца адным з рупараў дзяржаўнай прапаганды і, па нашай інфармацыі, мае непасрэднае падпарадкаванне адміністрацыі Лукашэнкі, зрабіў наступны пост:
«У сталіцы анансуецца канцэрт г****гурта ЛСП і квіткамі бойка гандлююць. Калі хто не ў курсе, саліст гэтага гурта аж са штаноў выскокваў, так тапіў за дзяржпераварот. У сваім в**** [пасце, – заўв. motolko.help] за 13 жніўня гэтая істота аж трэслася ад радасці, што вось-вось у нашай краіне выбухне вайна. А сёння гэтая м***ь [дрэнны чалавек, – заўв. motolko.help] як ні ў чым ні бывала едзе ў Мінску свае бесталентныя віршы спяваць. […] Няўжо гарадскія ўлады дапусцяць, каб гэтая бчбшная с*****ь [падлюга, – заўв. motolko.help] скакала ў нашай сталіцы?».
