На русском языке:
Появилась информация, что Виктор Бабарико попал в больницу со следами побоев
«Рабочы Рух» са спасылкай на свае крыніцы паведаміў, што ў ноч з 24 на 25 красавіка з ПК-1 г. Наваполацка Віктар Бабарыка быў дастаўлены ў Наваполацкую цэнтральную гарадскую бальніцу са слядамі збіцця.
«Віктар Бабарыка знаходзіцца ў аддзяленні хірургіі, становішча сярэдняй ступені цяжкасці, вядома, што ў яго пнеўматоракс. Паступіў са слядамі збіцця. Яго нават не пазналі, пакуль не ўбачылі прозвішча таго, хто паступіў», – паведаміў Рабочы Рух.
Інфармацыю аб гэтым пракаментавала Святлана Ціханоўская:
«Сёння ноччу зʼявілася інфармацыя аб тым, што Віктар Бабарыка патрапіў у лякарню са слядамі гвалту.
Мы патрабуем публічна прадэманстраваць у якім ён стане.
Мы патрабуем допуску адвакатаў і сваякоў да яго.Любыя іншыя дзеянні будуць тлумачыцца як наўмыснае прычыненне шкоды жыццю і здароўю».
Калі вы штосьці пра гэта ведаеце, просьба ананімна перадаць нам інфармацыю праз вашых сваякоў/сяброў замежжам у @motolko_bot або пішыце нам праз ананімную форму для сувязі на сайце.
Напішыце нам, калі нешта ведаеце пра гэта
UPD. Сёння праваабаронцы атрымалі інфармацыю, што палітвязня змясцілі ў памяшканне камернага тыпу. Калі дакладна гэта адбылося — невядома. Таксама паведамляецца, што доўгі час зімой Бабарыка правёў у ШІЗА.
Памяшканне камернага тыпу — гэта спецыяльная камера, куды пераводзяць вязняў у якасці спагнання за злосныя парушэнні вызначанага парадку калоніі. Там яны маюць права атаварвацца ў турэмнай краме на адну базавую велічыню ў месяц, атрымліваць адну бандэроль на працягу шасці месяцаў і мець штодзённы шпацыр працягласцю 30 хвілін і хадзіць на працу.
