In English:
Opinion. «Mythology of Belarus» on Lukashenka’s «war-making» mission
На русском языке:
Мнение. «Мифология Беларуси» о «войнотворческой» миссии Лукашенко
Тэлеграм-канал «Міфалогія Беларусі» апублікаваў пост пра тое, як змянілася роля Лукашэнкі ад «міратворчай» да «вайнатворчай». Прыводзім меркаванне без зменаў.
Кажучы пра шантаж Еўрасаюз міграцыйнай сітуацыяй з мэтай «прымусу да дыялогу», не варта разглядаць «дыялог» (у якім бы фармаце ён ні быў) у якасці самамэты Лукашэнкі. Аднаўленне кантактаў яму, зразумела, было б прыемным і дазволіла б заявіць пра сваё прызнанне Захадам («усё ж я вас нагнуў»).
Аднак чаканы «дыялог» – толькі сродак, а не мэта. Па сутнасці ж, тры канчатковыя прадукты, якія Лукашэнка разлічвае атрымаць або ад Захаду або ад Расіі (а ў ідэале – ад абодвух бакоў) у выніку гэтай рызыкоўнай гульні з залімітавымі стаўкамі, – грошы, грошы і грошы.
У выпадку Захаду, як вынік перамоваў, разлік быў бы як мінімум адбіцца ад уведзеных сектаральных санкцый і як максімум яшчэ і выбіць рэсурсы на стрымліванне нелегальнай міграцыі.
Крамлю ж Лукашэнка таксама пасылае сігналы пра тое, што, маўляў, калі жадаеце, каб уся гэтая сітуацыя развівалася калі не цалкам па вашых правілах, то ў камфортных для вас рамках і без уцягвання вас у сур’ёзны канфлікт з Захадам з маёй падачы, то прыплаціце.
Успомнім, як яшчэ 2-3 гады таму дзяржпрапаганда прадстаўляла Лукашэнку (а з ім і Беларусь – не наадварот) як «донара рэгіянальнай бяспекі», здольнага разруліць і сітуацыю на Данбасе, і ў Карабаху, і нават у Сірыі.
Аж да парыву арганізаваць пляцоўку для вялікага дыялогу Расіі і Захаду — прэтэнзія на статус фінскага кіраўніка Кеконена, які ў 1970-я паспрыяў перамоўнаму працэсу паміж заходнімі краінамі і дзяржавамі сацыялістычнага блока (Хельсінскія пагадненні).
Іншымі словамі, яшчэ ўчора Лукашэнка актыўна разыгрываў карту вялікага міратворца – як мінімум рэгіянальнага, і нават з замахам на глабальны маштаб.
Выбары 2020 года перавярнулі сітуацыю роўна на 180 градусаў – у новых умовах, для свайго палітычнага выжывання, замест місіі «міратворчай», Лукашэнка звярнуўся да місіі «вайнатворчай»: Захад і Расія, адвяжыцеся са сваімі прэтэнзіямі і заплаціце за свой спакой і свет, каб я незнарок не сутыкнуў вас ілбамі!
