In English:
Does Apple begin to block Belarusian iOS developers due to sanctions?
На русском языке:
Apple начинает блокировать беларусских iOS-разработчиков из-за санкций?
Карыстальнікі Apple, якія маюць акаўнт распрацоўшчыка з беларускім адрасам рэгістрацыі пачалі атрымліваць ліст ад карпарацыі, дзе гаворыцца аб увядзенні санкцый. Як паведамляюць чытачы, мяркуючы па ўсім, размова ідзе аб блакіроўцы выплат для iOS-распрацоўшчыкаў з беларускай рэгістрацыяй.
Ліст ад кампаніі Apple / motolko.help
«Мы заўважылі праблему пры пацверджанні вашага ўліковага запісу. Інфармацыя аб юрыдычнай асобе, звязаная з вашым уліковым запісам, цалкам адпавядае краіне з абмежаваным доступам або адной, або некалькім краінам са зводнага кантрольнага спісу ўрада ЗША, санкцыйнага спісу іншага ўрада або спісу рэгіёнаў з абмежаваным доступам», — гаворыцца ў апавяшчэнні ад Apple.
Характэрна, што апавяшчэнне аб санкцыях прыходзіць нават тым iOS-распрацоўнікам, чые акаўнты ўжо перарэгістраваныя на юрыдычныя адрасы ў іншых краінах (першапачаткова былі зарэгістраваныя ў Беларусі).
Таксама карыстальнікі адзначаюць, што ў асабістым кабінеце распрацоўшчыка App Store Connect у блоку «Юрыдычныя асобы» з’явіўся надпіс «Падпадае пад санкцыі», а таксама ў блоку «Пагадненне» з’явіўся статус — абмежавана.
Асабісты кабінет распрацоўшчыка App Store Connect / motolko.help
Таксама паведамляюць, што апавяшчэнне аб санкцыях атрымалі і кантэнтмэйкеры iTunes, якія карыстаюцца платнымі падпіскамі ў Apple Podcasts. Цяпер яны таксама не могуць вывесці сродкі.
Калі ў вас есць дадатковая інфармацыя, пішыце ў @motolko_bot або праз форму для зваротнай сувязі ніжэй.
