На русском языке:
Беларусы требуют опубликовать статистику количества осуждённых по 23.34 за 2020 год
Беларусы стварылі петыцыю з просьбай да Вярхоўнага суда паведаміць дадзеныя судовай статыстыкі пра колькасць асуджаных па арт.23.34 КаАП за 12 месяцаў 2020 года.
Гэта законнае патрабаванне, якое пацвярджаецца Канстытуцыяй РБ, дзе сказана, што грамадзянам гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў.
Кодэкс РБ аб судаўладкаванні і статусе суддзяў пацвярджае, што Вярхоўны Суд вядзе і аналізуе судовую статыстыку судоў агульнай юрысдыкцыі.
Петыцыя будзе адпраўлена ў Вярхоўны Суд Рэспублікі Беларусь.
Артыкул 23.34 КаАП у 2020 годзе стаў па-сапраўднаму «народным». Пачынаючы з 9 жніўня з-за нязгоды з афіцыйнымі вынікамі прэзідэнцкіх выбараў беларусы масава пратэставалі на вуліцах сваіх гарадоў, за што іх збівалі, разганялі і арыштоўвалі. Толькі 9 жніўня ў Беларусі было затрымана каля 3000 чалавек. За першыя два месяцы праваабаронцы налічылі 15 тысяч затрыманых. У розныя нядзелі лістапада «ўлоў» МУС складаў ад 300 да 1200 пратэстуючых. Не гледзячы на ўсё гэта, пратэсты таго ці іншага маштабу доўжыліся да канца года. І, нават калі яны перасталі быць масавымі, сілавікі працягнулі затрымліваць людзей, а суддзі — выносіць рашэнні аб адміністрацыйных арыштах.
