На русском языке:
В детсаду Минска к детям привязали официальные флаги и заставили их плавать с ними в бассейне
У беларускіх дзіцячых садах працягваецца актыўная ідэалагічная апрацоўка непаўналетніх. Паводле нашых звестак, на мінулым тыдні ў дзіцячых садах Клецкага раёна, Беразіно і Баранавічаў прайшла акцыя «Ліст аб Беларусі», дзе дзеці танцавалі і чыталі вершы для работнікаў пракуратуры.
У рамках гэтай акцыі дзяцей знаёмілі са «зручным» гістарычным мінулым краіны, расказвалі пра дзяржаўную сімволіку, і, вядома ж, падзеі гэтак званай Вялікай Айчыннай вайны. Аднак гэта не параўнацца з мерапрыемствам у дзіцячым садку №571 г. Мінска.
Тамака дзяцей павялі на заняткі ў басейн, выбудоўвалі для сумеснага фота з дзяржаўнай сімволікай, а затым дзяржаўныя сцягі прывязалі да дзяцей і яны плавалі з імі ў басейне.
Гэтыя факты прама дэманструюць актыўны насаджэнне ідэалагічнага кампанента дзецям з самых ранніх гадоў у самых, часам, абсурдных формах, а ўстановы адукацыі толькі і хваляцца гэтым у сацсетках, выкарыстоўваючы і тэг – растим_патриотов.
Акрамя таго, на мінулай надзеле ў дзясятках беларускіх школ і ВНУ актыўна адзначалі 105-годдзе ўтварэння УЛКСМ, пры гэтым выкарыстоўвалі сімволіку СССР. І вельмі паказальна, што гэты дзень адзначаецца 29 кастрычніка, што супадае з сумнай для беларускага народу ноччу расстраляных паэтаў. Вось толькі ні ў адной школе ці ВНУ пра гэта ўвогуле ніяк не ўзгадалі, і гэта яшчэ раз дэманструе прасавецкасць афіцыйнай ідэалогіі, якая хоча паказаць усю гісторыю СССР выключна з пазітыўнага пункту гледжання.
