Агенцтва Reuters паведамляе, што 13-га верасня віртуальная місія Міжнароднага валютнага фонду (МВФ) пачне вывучэнне эканамічнай сітуацыі ў Беларусі і мер, якія былі прынятыя дзяржавай супраць пандэміі COVID-19. Расследаванне будзе праводзіцца праз занепакоенасць з нагоды выдзялення рэжыму Лукашэнкі SDR на суму больш за $900 млн на ліквідацыю эканамічных наступстваў пандэміі.
У мінулым месяцы МВФ заявіў, што ўважліва сочыць за Беларуссю, але затым прадаставіў нелегітымнаму ўраду Лукашэнкі доступ да SDR (спецыяльныя правы запазычання) на суму амаль у $1 млрд. І гэта — нягледзячы на ўвядзенне чатырох пакетаў санкцый і публічнае асуджэнне таго, што адбываецца ў Беларусі з боку Захаду.
Напярэдадні Лукашэнка дамовіўся з Пуціным аб стварэнні адзінага рынку нафты і газу, а таксама аб паглыбленні эканамічнай інтэграцыі перад тварам «неапраўданых санкцый» з боку Захаду. Санкцыі ўведзеныя, каб узмацніць ціск на Лукашэнку, якога абвінавачваюць у фальсіфікацыі выбараў 2020 года і жорсткім падаўленні пратэстаў дзеля падаўжэння сваіх прэзыдэнцкіх паўнамоцтваў, якія доўжацца ўжо 27 гадоў. Расія таксама знаходзіцца пад санкцыямі Захаду за анэксію Крыма і развязванне вайны на Усходзе Украіны.
