На русском языке:
«Зачем ездил в Украину? Подписан на экстремизм?»: Что у людей спрашивают «на разговоре» при пересечении границы РБ-РФ
Учора, 9 траўня, выданне «Флагшток» паведаміла аб узмацненні мер кантролю ў дачыненні да беларусаў пры пераходзе мяжы РБ-РФ. Паведамлялася, што чалавек, непадобны да памежніка, пад запіс на відэакамеру задае беларусам, якія раней траплялі ў поле зроку «сілавікоў», пытанні, звязаныя з пратэстнымі тэмамі і патрабуе разблакаваць тэлефон для дагляду.
Гэтую ж інфармацыю пацвярджаюць і людзі ў сацсетках і чатах. Зыходзячы з паведамленняў становіцца зразумела, што канкрэтна пытаюцца сілавікі/памежнікі ў беларусаў, якія раней былі затрыманыя. Таксама людзі пацвярджаюць і папярэднія дадзеныя аб тым, што на мяжы ўсталяваны «вагончык» для памежнікаў і «сілавікоў»
Чем интересуются «на разговоре»?
- Мэты візіту ў РФ ці РБ (прычым, мяркуючы па паведамленнях, пытанні аб мэце візіту ў Беларусь задаюць і тым, хто жыве ў Беларусі і проста вяртаецца з паездкі);
- Захоўваннем «экстрэмісцкіх» матэрыялаў – пытаюцца ці падпісаны чалавек на якія-небудзь каналы;
- Пытанні пра Украіну – пытаюцца, калі быў чалавек ва Украіне апошні раз і што ён там рабіў;
- Цікавяцца затрыманнем – за што затрымлівалі і калі.
Таксама людзі пішуць, што «на размове» задавалі і адкрыта правакацыйныя пытанні, напрыклад, навошта яны нешта фатаграфавалі на мяжы, калі яны ніякіх фота не рабілі.
Што яшчэ адбываецца падчас «размовы»?
Практычна ўсе пішуць, што іх прасілі разблакаваць тэлефон, паказаць фота/відэа ў галерэі, глядзяць сацсеткі, уважліва глядзяць пашпарт, правяраюць па базах, па некаторых звестках таксама пры гэтым вядзецца відэазапіс гутаркі.
У рэшты рэштаў выходзіць, што на мяжы з РФ зараз укаранёныя роўна тыя ж узмоцненыя праверкі беларусаў, якія нашмат раней зʼявіліся пры перасячэнні мяжы з Літвой і Польшчай.
Акрамя таго, паводле нашых звестак, на мяжы РБ-РФ у Магілёўскай вобласці некалькі дзён таму перакапалі/завалілі дрэвамі дробныя абʼязныя дарогі, якія ў асноўным выкарыстоўвалі мясцовыя жыхары.
