In English:
«We don’t need fakes. We need to show the reality»: Lukashenka knows that state media are engaged in manipulation and disinformation – fakes
На русском языке:
«Не надо нам фейки. Надо показывать реальную действительность»: Лукашенко знает, что госСМИ занимаются манипуляцией и дезинформацией — фейками
Сёння Лукашэнка падчас дакладу дзяржсакратара Савета бяспекі Аляксандра Вольфавіча закрануў тэму «інфармацыйнай бяспекі» і ўжыў тэрмін – «інфармацыйная вайна», якая паводле яго слоў ідзе ў дадзены момант. Пры гэтым ён выказаў незадаволенасць работай у гэтай сферы і падтрымаў падключэнне да работы дзяржсакратарыята Савета бяспекі.
Але характэрна ў яго словах не гэта, а тое, што ён практычна прама пацвярджае, што дзяржаўная прапаганда займаецца маніпуляцыяй шляхам публікацыі загадзя ілжывых або скажоных дадзеных – гэта значыць дэзынфармацыяй (фейкамі). Вось яго прамая цытата:
«Нам гэтым шляхам ісці не трэба. Не трэба нам фэйкі. Трэба паказваць рэальную рэчаіснасць. У рэшце рэштаў гэта перамагае. Фэйк – гэта на дзень, на два. А потым усё гэта развеецца. Таму не трэба фэйкаў. Не трэба даваць ілжывую няправільную інфармацыю. Трэба рабіць усё годна, прыгожа, каб потым не апраўдвацца».
Гэтыя словы ў сукупнасці з падтрыманай прапановай могуць казаць аб працягу трэнду і, магчыма, узмацненні мілітарысцкай позвы.
▪️ І што ж рабіць нам, што рабіць людзям, якія хочуць ведаць і распаўсюджваць праўду?
Ствараць свае каналы (асабліва ў рэгіёнах). Лакальныя каналы аб тым, што адбываецца ў вашым раёне ці горадзе – гэта і ёсць тое, што кожны зможа супрацьпаставіць дэзынфармацыі.
Найперш гэтым могуць заняцца беларусы з дыяспары. Па-першае, гэта бяспечна, па-другое, у нас ва ўсіх ёсць моцныя сувязі з нашымі гарадамі і раёнамі, дзе мы пражылі большую частку жыцця. Гэта і прамая дапамога – расказваць непрадузятыя навіны вашым суседзям, сябрам і ў рэшце рэштаў журналістам.
Каналы трэба дадаваць на dze.news, дзе акумулююцца ўсе рэгіянальныя каналы інфармацыі. Пакрыццё большасці (а лепш за ўсіх раёнаў краіны) незалежнымі лакальнымі каналамі дазволіць вельмі паспяхова змагацца з любым, нават самым прадуманым фэйкам.
