Выданне Orsha.eu паведамляе, што помнік на месцы сталінскіх расстрэлаў ва ўрочышчы Кабыляцкая гара пацярпеў ад вандалаў.
Невядомыя наклеілі на мемарыяльную пліту налепкі ў выглядзе «георгіеўскіх стужак» і вывесілі плакат з расійскім трыкалорам і зоркай. Аднак на момант, калі быў зроблены фотаздымак, плакат ужо быў сарваны ветрам ці кімсьці, хто праходзіў міма.
Паводле ацэнак даследчыкаў, ва ўрочышчы Кабыляцкая гара былі расстраляны ад 300 да 5 тысяч чалавек. Вядома, што сярод забітых былі: беларусы, палякі, яўрэі, латышы, літоўцы, украінцы, рускія, немцы і нават адзін грэк.
На русском языке:
Под Оршей вандалы наклеили георгиевские ленты на мемориальную плиту на месте сталинских расстрелов
