In English:
Security officers came to the Brø bakery
На русском языке:
Силовики пришли в пекарню Brø bakery
Паведамляюць, што гадзіну таму сілавікі прыйшлі ў пякарню Brø bakery на вул. Берасцянскай у Мінску.
Быў затрыманы супрацоўнік Коршун Дзяніс. 18 траўня на канале ГУБАЗ з’явілася інфармацыя аб затрыманні.
На відэа ён кажа, што браў удзел у пратэстах 2020 года.
«Дзяніс добры, вясёлы і адукаваны хлопец… І такі, ці ведаеце, чулы, нават сентыментальны», — кажа яго сябар. — Памятаю, ён вельмі перажываў, калі мяне аднойчы затрымалі. Сам ён з Брэста, там і вучыўся, а ў Мінску жыў каля чатырох гадоў. І прапрацаваў ён у той пякарні каля года».
Мяркуючы па наяўнай інфармацыі, хлопец затрыманы па артыкуле 342 КК (актыўны ўдзел у дзеяннях, якія груба парушаюць грамадскі парадак).
