У Беразіно затрымалі мужчыну, які здымаў сілавікоў на камеру – праз гадзіну яго прывезлі ў рэанімацыю

спутник
Абноўлена
Абноўлена: 11 сакавіка 2023 18:21
4 хв.

На русском языке: В Березино задержали мужчину, который снимал силовиков на камеру – через час его привезли в реанимацию

Праваабаронцы «Вясны» паведамілі, што 9 сакавіка ў Беразіно быў затрыманы мясцовы жыхар Уладзімір Панцюх за тое, што здымаў на тэлефон, як ДАІшнікі правяралі маршруткі.

«Як толькі супрацоўнікі ўбачылі тэлефон, адразу падбеглі, павалілі мужчыну на зямлю і павезлі яго ў аддзел», – пішуць праваабаронцы.

Паведамляецца, што праз гадзіну пасля затрымання мужчыну прывезлі ў рэанімацыю з сардэчным прыступам і слядамі збіцця.

У дадзены момант Уладзімір знаходзіцца ў шпіталі пад канвоем. У яго 3-я група інваліднасці, 4 перанесеныя інфаркты і 3 аперацыі шунтавання. Версія сілавікоў іншая – нібыта Уладзімір у нецвярозым стане пачаў бойку на вакзале, за што і быў затрыманы.

У Беразіно затрымалі мужчыну, які здымаў сілавікоў на камеру – праз гадзіну яго прывезлі ў рэанімацыю

«Наша Ніва» высветліла, што Уладзімір Панцюх, які трапіў у рэанімацыю пасля затрымання сілавікамі, ваяваў у Афганістане – інфармацыя пра яго змешчаная на сайце Бярэзінскага райвыканкама.

У нататцы пра Уладзіміра Панцюха сказана, што ён нарадзіўся ў 1969 годзе ў вёсцы Віляціна Бярэзінскага раёна. У 1987-м яго прызвалі ў Савецкую армію, а праз год накіравалі ў Афганістан, дзе ён служыў у роце прыкрыцця аэрадрома каля горада Герат. Панцюх атрымаў у Афганістане два раненні і кантузію.

Пасля вяртання з вайны ён некаторы час працаваў кіроўцам на Бярэзінскай ветэрынарнай станцыі, пазней з’ехаў у пасёлак Беларускі каля Ніжнявартаўска ў Сібіры, але ў 1992 годзе вярнуўся на радзіму. Таксама там адзначаецца, што Уладзімір мае жонку і дачку.

Папярэдні матэрыял
Вучэнні УС РБ/РФ у Беларусі падоўжаныя прынамсі да 20 сакавіка
Наступны матэрыял
Не толькі Чырвоны Касцёл: дамовы арэнды разарваныя мінімум з чатырма касцёламі ў Беларусі.

Iншыя матэрыялы