На русском языке:
В Иран вернули троих мигрантов, одного из них могут преследовать в Иране за побег
Выданне BBC Persian са спасылкай на МЗС Ірана паведамляе, што траіх грамадзян Ірана вярнулі на Радзіму з Беларусі. Раней 13 іранцаў, што прасілі прытулку, зніклі ў лясах Беларусі недалёка ад Літвы. Вяртанне адбылося праз некалькі дзён пасля тэлефоннай размовы Уладзіміра Макея з кіраўніком МЗС Ірана.
ویدیویی از مهاجران ایرانی که در سرما در جنگل های یونان آواره اند به دست بی بی سی فارسی رسیده است. پیشتر هم ۱۳ پناهجوی ایرانی در جنگل های بلاروس نزدیک لیتوانی ناپدید شده بودند. امروز وزارت خارجه ایران گفته سه نفر از آنها را نجات داده و به کشور برگردانده.
پرهام قبادی گزارش میدهد. pic.twitter.com/n4rTO3BSh0— BBC NEWS فارسی (@bbcpersian) November 1, 2021
За некалькі дзён да размовы іранскае МЗС ужо цікавілася праблемамі іранцаў на беларуска-літоўскай мяжы. Іранскі эксперт па жаночых даследаваннях і актывістка кампаніі «Змены за роўнасць» Сара Логмані тады напісала ў Twitter, што генконсул пасольства Ірана ў Беларусі выехаў на беларуска-літоўскую мяжу. У тым самым паведамленні актывістка выказала прэтэнзіі да беларускіх праваахоўных органаў.
«Да чорта беларускую паліцыю за тое, што яна ўвесь час гвалтам выцясняе іх, а ў нас няма месца для іх. Маліцеся, каб паліцыя супрацоўнічала і знайшла іх. Сёння і Іран, і Беларусь закрытыя. Сам генеральны консул выехаў на мяжу», — напісала Сара Логмані.
Варта сказаць і пра тое, што тыдзень таму іранскі журналіст Даруш Мемар апублікаваў фатаграфіі, на якіх, як ён сцвярджае, менавіта гэтыя 13 чалавек з Ірана, якія зніклі ў лясах на мяжы. Паводле слоў журналіста, адзін з трынаццаці чалавек — музыка і мастак, які ўцёк з турмы Ісламскай Рэспублікі. Мастак даслаў паведамленне аб тым, што пагранічнікі збіваюць іх кожны дзень і ў іх няма ежы і вады. Пра якіх памежніках ідзе гаворка — не ўдакладняецца.
این عکس ها الان به دستم رسید
سیزده ایرانی در مرز لیتوانی و بلاروس بین مرگ و زندگی گرفتار شده اند.
یکی از این سیزده نفر که نوازنده و هنرمند است واز شرایط زندان حکومت جمهوری اسلامی فرار کرده پیام داده هر روز از نیروهای مرزی کتک می خورند و آب و غذایی ندارند.#لطفا_ریتویت_کنید pic.twitter.com/iCpp2kFIHd— داریوش معمار (@darushmemar) October 23, 2021
Каго менавіта вярнулі ў Іран — невядома. Але ёсць імавернасць, што сярод іх мог быць мастак і іншыя людзі, якіх у Іране пераследуюць па палітычных матывах. На гэты момант яшчэ на мінулым тыдні звярнуў увагу палітолаг Аляксандр Фрыдман.
Калі ў вас ёсць дадатковая інфармацыя па гэтай тэме, напішыце нам у бот для зваротнай сувязі — Motolko_bot.
