На русском языке:
В эмиграционном кризисе виновата Москва? Немецкий министр выступил с заявлением
Саюз федэральнай паліцыі Германіі заклікаў увесці часовы кантроль на мяжы з Польшчай. Прычына – тысячы нелегальных мігрантаў з Блізкага Усходу, якія накіроўваюцца з Польшчы ў ФРГ. Вядома, што ў Еўрасаюз яны трапляюць з Беларусі, улады якой па шматлікіх сведчаннях наўмысна арганізавалі паток мігрантаў, каб дапамагчы ім незаконна перасекчы мяжу з ЕС. Аднак міністр унутраных спраў Брандэнбурга Міхаэль Шцюбген сумняецца, што справа толькі ў Беларусі.
Deutschlandfunk паведамляе, што кіраўнік МУС Брандэнбурга адхіліў патрабаванні аб закрыцці нямецка-польскай мяжы для абмежавання незаконнай іміграцыі праз Беларусь і намякнуў, што міграцыйны крызіс на межах з ЕС арганізаваны Масквой, таму рашэнне трэба шукаць там.
Нагадаем, 7 кастрычніка дэпутаты Еўрапарламента прынялі рэзалюцыю па сітуацыі ў Беларусі ў якой заявілі, што Крэмль датычны да арганізацыі міграцыйнага крызісу на межах Беларусі з ЕС. Міхаэль Шцюбген выказаўся ў падобным ключы. Вось, як яго цытуе выданне Rnd.de:
«У мяне ёсць сумненні, што часовы кантроль на мяжы вырашыць праблему i папярэдзiць пра спіралі эскалацыі на нямецка-польскай мяжы. Пагранічны кантроль або нават закрыццё межаў створаць велізарную нагрузку на паўсядзённае жыццё дзясяткаў тысяч немцаў і палякаў у прыгранічных раёнах. Прычына бежанцаў – у Мінску, рашэнне – у Маскве».
Паводле яго слоў, са жніўня ў Федэратыўную Рэспубліку без дазволу на новы маршрут эвакуацыі ўехалі больш за 4300 чалавек.
«Кожны дзень [у Нямеччыну] прыбывае больш за 100 бежанцаў. Гэта нагружае нашу іміграцыйную службу да мяжы яе ўстойлівасці», – цытуе Inforadio словы кіраўніка МУС Брандэнбурга.
