Агляд асноўных падзеяў беларускай прапаганды аб вайне ва Украіне за 16 красавіка ад Гаюна

Фота: Міністэрства Абароны РБ
5 хв.

Беларускі Гаюн апублікаваў агляд аб дзейнасці беларускай прапаганды на тэму вайны з Украінай за 16 красавіка.

1. У інфармацыйнай прасторы дзень прайшоў пад знакам суботнікаў. Пасля паспяховай пасадкі некалькіх дрэў міністр абароны В.Хрэнін знайшоў час сказаць пару слоў журналістам:

«Калі Захад агрэсіўна навязвае сваё меркаванне, ідзе мілітарызацыя, адраджаецца нацызм, льюцца плыні бруду і хлусні. Таму для нас важна захоўваць гістарычную памяць. Перадаць будучаму пакаленню, як абярэг».

«(Суботнік) Гэта свайго роду прышчэпка ад экстрэмізму, радыкалізму і фашызму, які квітнее бурным колерам ля нашых межаў».

Міністр абароны не ўдакладняе, ля якіх менавіта межаў «квітнее фашызм». Магчыма, ён мае на ўвазе Расію, дзе можна знайсці шматлікія прыкметы фашыстоўскага рэжыму. Але не варта мець ілюзій: хутчэй за ўсё, гаворка ідзе пра Украіну.

Міністр абароны сур’ёзна разважае пра нацыстаў у суседняй краіне, хаця з высокай доляй верагоднасці асабіста Украіну не наведваў ужо вельмі даўно. Гэта чарговы раз дэманструе дыктат расійскай прапаганды на беларускім інфармацыйным полі.

2. Сталі вядомыя новыя падрабязнасці аказання дапамогі ўкраінскім уцекачам:

«Усяго ў раённыя арганізацыі Беларускага Чырвонага Крыжа ў Гомельскай вобласці звярнуліся больш за 200 чалавек. Агульная сума аказанай дапамогі ў раённых арганізацыях склала Br10 тыс».

Са зместу артыкула не зусім зразумела, за які перыяд прыведзена статыстыка (за апошні тыдзень ці пачынаючы з 24 лютага).

Шляхам няхітрых матэматычных аперацый можна высветліць, што кожны, хто звярнуўся, атрымаў дапамогу ў сярэднім на 50 бел. рублёў (10 000/200 = 50). У эквіваленце — гэта 15$ або 13,8€. Што можна дазволіць сабе на такую ​​суму — ацаніце самі.

Мы ўжо не першы раз звяртаем увагу на асвятленне ў дзяржСМІ тэмы дапамогі ўкраінскім уцекачам. У цэлым можна канстатаваць, што гэтая дапамога не столькі сапраўды існуе, колькі пра яе публікуецца матэрыялаў у СМІ.

Чырвоны Крыж у Беларусі — гэта арганізацыя, падкантрольная рэжыму Лукашэнкі, якая ўдзельнічае ў фальсіфікацыі выбараў і добраахвотна-прымусова збірае з бюджэтнікаў членскія ўнёскі.

Агляд падрыхтаваны маніторынгавай камандай Праекта Гаюн

In English: Review of the main events of the Belarusian propaganda about the war in Ukraine for April 16 by Hajun Project
На русском языке: Обзор основных событий беларусской пропаганды о войне в Украине за 16 апреля от Гаюна
На беларускай мове: Аператыўная зводка ад Гаюна за 16 красавіка аб ваеннай актыўнасці на тэрыторыі Беларусі

Папярэдні матэрыял
Аператыўная зводка ад Гаюна за 17 красавіка аб ваеннай актыўнасці на тэрыторыі Беларусі
Наступны матэрыял
Агляд асноўных падзеяў беларускай прапаганды аб вайне ва Украіне за 17 красавіка ад Гаюна

Iншыя матэрыялы