Латвія забараняе ўезд у краіну беларусам і рускім, якія адкрыта падтрымліваюць расійскую агрэсію

grani.lv
1 хв.

Латвійскае выданне LSM.lv са спасылкай на Службу дзяржбяспекі Латвіі паведамляе, што замежнікі, якія прыбываюць у Латвію з Расіі і Беларусі, зараз праходзяць узмоцнены кантроль на мяжы з мэтай выяўлення тых, хто падтрымлівае расійскую агрэсію супраць Украіны і можа ўяўляць пагрозу нацбяспецы краіны.

Паводле інфармацыі СМІ, павышаная ўвага надаецца асобам, якія служылі ў сілавых структурах РБ і РФ, якія публічна дэманструюць сімволіку, звязаную з агрэсіяй РФ, або выказваюць негатыўнае стаўленне да Латвіі.

Паведамляецца, што людзей, якія праходзяць такі надгляд, просяць падпісаць дакумент, які асуджае ваенныя дзеянні Расіі.

Паводле інфармацыі Службы дзяржбяспекі Латвіі, такім чынам ужо было адмоўлена ва ўездзе 62-м іншаземцам, з якіх 14 грамадзян Беларусі. Адзначаецца, што калі ў гэтых асоб была дзейная віза для ўезду ў Шэнгенскую зону, то віза анулявалася.

Такім чынам, зыходзячы з даступнай інфармацыі, можна зразумець, што абмежаванні ўезду датычацца толькі людзей, якія публічна падтрымліваюць вайну супраць Украіны.

In English: Latvia bans entry for Belarusians and Russians who openly support Russian aggression
На русском языке: Латвия запрещает въезд в страну беларусам и русским, открыто поддерживающим российскую агрессию

Папярэдні матэрыял
Беларусь адклікае свайго амбасадара з Вялікабрытаніі
Наступны матэрыял
Мука, сокі, тынкоўка: якасць упакоўкі беларускіх тавараў становіцца горш

Iншыя матэрыялы